'చేనేతకు రూ.18 వేల కోట్ల ప్యాకేజీ ఇవ్వాలి'

దిశ, వెబ్ డెస్క్: లాక్​డౌన్​లో ఇబ్బందులు పడుతున్న చేనేత కుటుంబాలను ఆదుకునేందుకు రూ.18 వేల కోట్ల ప్యాకేజీని ప్రకటించాలని నేషనల్​ ఫెడరేషన్​ ఆఫ్​ హ్యాండ్లూమ్స్​ అండ్​ హాండీక్రాఫ్ట్స్​ డిమాండ్​ చేసింది. దేశంలో 31.45 లక్షల కుటుంబాలు చేనేత మగ్గాలపై ఆధార పడి ఉన్నారని, వ్యవసాయం తర్వాత అతిపెద్ద గ్రామీణ ఉపాధి రంగం చేనేతని ఫెడరేషన్​ నేషనల్​ స్టీరింగ్​ కమిటీ సభ్యుడు తడక యాదగిరి ఆదివారం విడుదల చేసిన ఓ ప్రకటనలో పేర్కొన్నారు. తక్షణ సహాయం కింద నెలకు రూ. 3 వేల చొప్పున రూ.2,800కోట్ల నగదును కేటాయించాలని అందులో పేర్కొన్నారు. వారికి పని కల్పించేందుకు రూ. 500 కోట్ల నిధులతో ముడి సరుకులు కొనుగోలు చేయాలని, రుణమాఫీ కోసం రూ.1,500 కోట్లు కేటాయించాలని కోరారు. చేనేత వస్త్రాల ముడి సరుకులు, మార్కెటింగ్​పై మూడేండ్ల పాటు జీఎస్​టీ మారిటోరియం విధించాలని విన్నవించారు.