వికారాబాద్‌లో వింత వ్యాధి కలకలం..

దిశ, వెబ్‌డెస్క్ : వికారాబాద్‌లో వింత వ్యాధి కలకలం సృష్టించింది. ఫిట్స్‌తో కొంతమంది బాధితులు ఆస్పత్రులకు క్యూ కట్టారు. ఇప్పటివరకు 120 మంది ఆస్పత్రిలో చేరగా అందులో 17 మంది డిశ్చార్జి అయ్యారు. ఇదిలాఉండగా, ఈ వ్యాధిపై సాయంత్రానికి కల్లా రిపోర్టులు వెలువడతాయని వైద్యులు వెల్లడించారు. బాధితులను స్థానిక ఎమ్మెల్యే ఆనంద్ పరామర్శించి వివరాలు అడిగి తెలుసుకున్నారు.

కల్తీ కల్లు తాగడం వల్లే వీరంతా జబ్బు పడినట్లు ఆయన అనుమానం వ్యక్తం చేస్తున్నట్లు చెప్పారు. ఈ నేపథ్యంలో 14 కల్లు కంపౌండ్లను పోలీసులు సీజ్ చేశారు. రిపోర్టులు వచ్చిన అనంతరం అసలు విషయం వెల్లడిస్తామని చెప్పుకొచ్చారు.