రూబిక్ ఘనాలతో మోనాలిసా చిత్రం.. వేలానికి సిద్ధం

పారిస్‌లో లియోనార్డో డావిన్చీ గీసిన ఒరిజినల్ మోనాలిసా చిత్రం ఉంచిన ప్రదేశానికి కొద్ది దూరంలో 330 రూబిక్ ఘనాలతో తయారుచేసిన మోనాలిసా చిత్రాన్ని వేలం వేయనున్నారు. 2005లో ఫ్రెంచ్ పట్టణ కళాకారుడు ఇన్వేడర్ వేసిన ఈ చిత్రపటం రూ. కోటి కంటే ఎక్కువ ధర పలకనున్నట్లు తెలుస్తోంది. ఈ చిత్రపటాన్ని సరిగ్గా గమనిస్తే రూబిక్ ఘనాలు కనిపిస్తాయి కానీ దూరం నుంచి చూసినపుడు అచ్చుగుద్దినట్లు మోనాలిసా ఒరిజినల్ చిత్రపటాన్ని చూసినట్లు ఉంటుందని వేలం వేస్తున్న సంస్థ ప్రతినిధులు చెబుతున్నారు.