ప్రభాస్ నన్ను చెడగొడుతున్నాడు- నటి
దిశ, వెబ్‌డెస్క్: ‘ప్రేమ పావురాలు’ చిత్రంతో ఇండస్ట్రీని షేక్ చేసిన హీరోయిన్ భాగ్యశ్రీ. తెలుగులో ఆమె నటించినవి రెండు, మూడు చిత్రాలే అయినా తెలుగు ప్రేక్షకులు ఆమెను గుండెల్లో పెట్టుకున్నారు. ఇక తాజాగా భాగ్యశ్రీ ప్రభాస్ పాన్ ఇండియా మూవీ ‘రాధేశ్యామ్’ చిత్రంతో సెకండ్ ఇన్నింగ్స్ మొదలుపెడుతున్న సంగతి తెలిసిందే. ఇప్పటికే షూటింగ్ జరుపుకుంటున్న ఈ చిత్రం త్వరలోనే విడుదల కానుంది. ఇకపోతే తాజాగా భాగ్యశ్రీ, యంగ్ రెబెల్ స్టార్ ప్రభాస్ తనను నాశనం చేస్తున్నట్లు చెప్పుకొచ్చింది. చిత్ర పరిశ్రమలో ప్రభాస్ ఆతిథ్యం గురించి ప్రత్యేకంగా చెప్పనవసరంలేదు. ఆయన తిండి పెట్టి చంపేస్తాడు అని చాలామంది స్టార్స్ నిర్మొహమాటంగా చెప్పేసారు.
Another stack of the tasty hyderabadi sweets #pootharekulu
Thank you #Prabhas … you spoil me. pic.twitter.com/em1A6RbGpE— bhagyashree (@bhagyashree123) July 1, 2021
ఇక ఇప్పుడు భాగ్యశ్రీ వంతు వచ్చింది. తాజాగా ప్రభాస్, భాగ్యశ్రీకి రుచికరమైన హైద‌రాబాదీ స్వీట్లు కానుకగా పంపాడు. ఇప్పటికే ఆంధ్రా ఫేమస్ పూత రేకులను ఆమెకు రుచి చూపించిన ప్రభాస్.. తాజాగా ‘రాధేశ్యామ్’ కొత్త షెడ్యూల్ మొదలైన నేపథ్యంలో మళ్లీ షూటింగ్ కి వచ్చిన భాగ్యశ్రీకి మరోసారి పూత రేకుల బహుమతి అందించాడు. ఈ విషయాన్ని సీనియర్ నటి తన సోషల్ మీడియా ద్వారా అభిమానులతో పంచుకుంది. ” ఎంతో రుచికరమైన హైదరాబాద్ స్వీట్లు (పూత రేకులు) అందాయి. థాంక్యూ ప్రభాస్.. నువ్వు నన్ను చెడగొట్టేస్తున్నావ్” అంటూ పూత రేకుల బాక్స్ ల ఫోటోను షేర్ చేసింది. ప్రస్తుతం ఈ ఫోటో నెట్టింట వైరల్ గా మారాయి.
