‘సిగ్గులేదా’.. తీహార్ జైలుకెళ్తూ నవ్వుతున్న స్టార్ రెజ్లర్

దిశ, వెబ్‌డెస్క్: మర్డర్ కేసులో జైలుకెళ్లిన స్టార్ రెజ్లర్ సుశీల్ కుమార్ మరోసారి విమర్శల పాలు అయ్యాడు. యువ రెజ్లర్ సాగర్ దండక్ హత్య కేసులో ప్రస్తుతం జ్యుడీషియల్ రిమాండ్‌లో ఉన్న సుశీల్‌ను.. మండోలి జైలు నుంచి తీహార్ జైలుకు శుక్రవారం తరలించారు. ఇదే సమయంలో అక్కడికి మీడియా చేరుకుంది. ఈ నేపథ్యంలోనే సుశీల్ చిరునవ్వుతో ఫొటో దిగాడు. ఈ ఫోటోను ఓ నేషనల్ మీడియా సంస్థ సోషల్ మీడియాలో అప్‌లోడ్‌ చేయగా.. నెటిజన్లు తీవ్రంగా మండిపడుతున్నారు. హత్య చేసి జైలుకెళ్లిన సుశీల్ నవ్వుతూ ఫోజు ఇవ్వడం ఏంటని తిట్టుకుంటున్నారు. సిగ్గులేని వ్యక్తి అంటూ కామెంట్లు పెడుతున్నారు. అతడిని రెజ్లర్ అని పిలవొద్దని.. ఒక క్రిమినల్ అంటూ రీట్వీట్స్ చేస్తున్నారు.