తాళం వేసిన ఇంట్లో చోరీ

దిశ, మీర్ పేట్: శుభకార్యానికి వెళ్లి ఇంటికి తిరిగి వచ్చేసరికి ఇంట్లో ఉన్న నగదు, బంగారం తో పాటు వెండి వస్తువులను చోరీ చేశారు. ఈ ఘటన మీర్ పేట్ పోలీస్ స్టేషన్ పరిధిలో సోమవారం రాత్రి చోటుచేసుకుంది. ఇన్స్పెక్టర్ నాగరాజు తెలిపిన వివరాల ప్రకారం..స్థానిక పోలీస్ స్టేషన్ పరిధిలోని ప్రశాంతి హిల్స్ కాలనీలోని పింగళి అపార్ట్ మెంట్ లో నివాసముండే అగు రాసోజు మోహన్ సోమవారం రాత్రి 9:30 సమయంలో తమ కుటుంబ సభ్యులతో కలిసి హైదరాబాద్, మౌలాలి లో ఒక శుభకార్యానికి వెళ్లి మంగళవారం ఉదయం 10 గంటల ప్రాంతంలో ఇంటికి వచ్చారు. ఇంటి డోర్స్ తెరిచి ఉండడం తో ఇంట్లోకి వెళ్ళి చూడగా ఇంట్లో బీరువాలోని వస్తువులు అన్ని చిందరవందర పడి రూ. 5 లక్షల నగదు, 4 తులాల బంగారు నగలు తో పాటు రెండు తులాల వెండి వస్తువులు దోచుకెళ్లారని, బాధితుడి ఫిర్యాదు మేరకు కేసు నమోదు చేసుకుని దర్యాప్తు చేస్తున్నామని ఇన్స్పెక్టర్ తెలిపారు.