దక్షిణాఫ్రికాలో భారీ భూకంపం..

జోహన్నెస్‌బర్గ్ : దక్షిణాఫ్రికాలోని జోహన్నెస్‌బర్గ్ సిటీ సమీపంలో ఆదివారం తెల్లవారుజామున 2:38 గంటలకు 5.3 తీవ్రతతో భూకంపం సంభవించింది. భూకంపం ధాటికి జోహన్నెస్‌బర్గ్ సిటీ ఉన్న గౌటెంగ్ ప్రావిన్స్ అంతటా భవనాలు కంపించాయని అమెరికా జియోలాజికల్ సర్వే విభాగం వెల్లడించింది. ఆల్బర్టన్‌ టౌన్ కు దక్షిణంగా 6 కిలోమీటర్ల దూరంలో లేదా సెంట్రల్ జోహన్నెస్‌బర్గ్‌కు ఆగ్నేయంగా 16 కిలోమీటర్ల దూరంలో భూకంప కేంద్రం ఉందని తెలిపింది. ప్రభావిత ప్రాంతాల ప్రజలు ఈ ప్రకంపనలను ఫీల్ అయ్యారు. ఈ నేపథ్యంలో కొంతమంది తమ ఇంటి గోడలకు ఏర్పడిన పగుళ్ల ఫోటోలు తీసి సోషల్ మీడియాలో పోస్ట్ చేశారు. "మా ఇల్లు మొత్తం 40 సెకన్ల పాటు కదిలింది" అని ఆల్బర్టన్‌ టౌన్ కు చెందిన ఒక వ్యక్తి పోస్ట్ పెట్టాడు.