పండుగ వేళ మహిళల వినూత్న నిరసన.. బతుకమ్మకు బదులుగా..

దిశ, హుజూరాబాద్ రూరల్ : బతుకమ్మలకు బదులు.. గ్యాస్ సిలిండర్లు పెట్టి బతుకమ్మ ఆడి మహిళలు వినూత్నంగా నిరసన తెలిపారు. బుధవారం బతుకమ్మ పండుగ ప్రారంభం కాగా కేంద్ర ప్రభుత్వం పెంచిన గ్యాస్ ధరలను నిరసిన తెలిపారు.

ఈ సందర్బంగా పట్టణంలోని ప్రతాపవాడ శివాలయం వద్ద మహిళలు గ్యాస్ సిలిండర్ పెట్టి బతుకమ్మ పాటలు పాడుకున్నారు. కేంద్ర ప్రభుత్వం రూ.230 ఉన్న గ్యాస్ ధరలను వెయ్యి రూపాయలకు పెంచి సామాన్యులపై పెనుభారం మోపిందంటూ పాటలు పాడుతూ తమ నిరసన గళాన్ని వినిపించారు.