అప్పుడు మ్యాచ్ వేరేలా ఉండేది : కోహ్లీ

దిశ, వెబ్‌డెస్క్: అబుదాబి వేదికగా శుక్రవారం జరిగిన కీలక మ్యాచ్‌లో బెంగుళూరుపై సన్‌రైజర్స్‌ అద్భుత విజయం సాధించింది. మొదట టాస్‌ గెలిచి బౌలింగ్‌ ఎంచుకున్న హైదరాబాద్‌ బెంగుళూరును కట్టడి చేయడంలో సఫలమైంది. దీంతో విజయకేతనం ఎగురవేసింది. ప్లే ఆఫ్స్‌కు ముందు ఆడిన నాలుగు మ్యాచ్‌ల్లో ఓడిన కోహ్లీసేన.. కీలకమైన ఎలిమినేటర్‌లో ఓడి మూల్యం చెల్లించుకుంది. దీనిపై మ్యాచ్ అనంతరం బెంగళూరు కెప్టెన్ విరాట్ కోహ్లీ మాట్లాడుతూ.. తాము బ్యాటింగ్‌లో తగినన్ని పరుగులు చేయలేదని అన్నాడు. అలాగే సైనీ బౌలింగ్‌లో కేన్ విలియమ్సన్ ఇచ్చిన క్యాచ్‌ను బౌండరీ లైన్ వద్ద పడిక్కల్ పట్టడంలో విఫలమయ్యాడని.. ఒకవేళ ఆ క్యాచ్‌ను మిస్ చేసి ఉండకపోతే ఫలితం వేరేలా ఉండేదని కోహ్లీ తెలిపాడు.