వనపర్తి జిల్లాలో వింత జంతువు సంచారం.. టెన్షన్‌లో ప్రజలు

దిశ, వనపర్తి : వనపర్తి జిల్లాలోని వెంకటాపూర్ గ్రామం జక్కంపల్లి మధ్య అటవీ ప్రాంత శివారులో చిరుతను పోలిన వింత జంతువు కదలికలను గ్రామ యువకులు సెల్‌ఫోన్‌లో చిత్రీకరించారు. జక్కంపల్లి శివారులోని పంట పొలాల్లో నిన్న సాయంత్రం ఈ వింత జంతువును చూసినట్లు వారు చెబుతున్నారు.

తాజాగా ఈ ఫోటోలు సోషల్ మీడియాలో వైరల్ అయ్యాయి. అయితే, ఇది చిరుత లేక మరేదైనా జంతువా అని ప్రజలు భయాందోళనకు గురవతున్నారు. ఈ క్రమంలో గ్రామస్తులు అటవీ శాఖ అధికారులకు సమాచారం అందించారు.

పునుగు పిల్లి.. భయపడాల్సిన అవసరం లేదు : వాణి కుమారి, ఫారెస్ట్ రేంజర్, వనపర్తి.

ప్రజలు భయపడాల్సిన అవసరం లేదని, చిన్నచిన్న అడవులలో సంచరించే జంతువుల జాతికి చెందిన పునుగుపిల్లిగా గుర్తించామని వనపర్తి ఫారెస్ట్ రేంజర్ వాణి కుమారి తెలిపారు. ఈ జంతువు ద్వారా ఎటువంటి ప్రాణహాని ఉండదని అన్నారు.