తెలుగు తెరపై సేతుపతి, నిహారిక రొమాన్స్..

దిశ, సినిమా: విజయ్ సేతుపతి, నిహారిక కొణిదెల జంటగా నటించిన తమిళ చిత్రం ‘ఓరు నల్ల నాల్ పాతు సోలరెన్’. కోలీవుడ్‌లో బ్లాక్ బస్టర్‌గా నిలిచిన ఈ చిత్రం ప్రస్తుతం తెలుగులో రిలీజ్ కాబోతోంది. శ్రీమతి రావూరి అల్లికేశ్వరి సమర్పణలో అపోలో ప్రొడక్షన్స్ పతాకంపై డాక్టర్ రావూరి వెంకటస్వామి ఈ చిత్రం తెలుగు హక్కులను సొంతం చేసుకోగా.. ‘ఓ మంచి రోజు చూసి చెప్తా’ టైటిల్‌తో మార్చి 19న విడుదల కానుంది. మాస్ యాక్షన్ ఎంటర్‌టైనర్‌గా తెరకెక్కిన సినిమా తెలుగు ప్రేక్షకులకు ఖచ్చితంగా నచ్చుతుందన్నారు నిర్మాత డాక్టర్ రావూరి వెంకట స్వామి. సేతుపతి నటన సినిమాకు హైలెట్ కాగా.. నిహారిక ఇంతకు ముందెన్నడూ చేయని పాత్రలో ఆడియన్స్‌ను అలరిస్తుందన్నారు. అరుముగ కుమార్ దర్శకత్వంలో వచ్చిన సినిమాకు జస్టిన్ ప్రభాకరన్ సంగీతం సమకూర్చారు.