బార్లీ కిచిడి ఎలా తయారు చేయాలో చూద్దాం !

దిశ, వెబ్ డెస్క్ : బార్లీ మన ఆరోగ్యానికి చాలా మేలును చేస్తాయి. బార్లీ‌తో మన ఒంట్లో వేడిని కూడా తగ్గించుకోవచ్చు. అలాగే బార్లీ‌తో కొత్త వంటకాలు కూడా ట్రై చేయవచ్చు. అవి ఏంటంటే బార్లీ కిచిడి. ముందుగా ఈ రెసిపీ‌కు కావలిసిన పదార్ధాలను, తయారీ విధానం గురించి ఇక్కడ తెలుసుకుందాం.

బార్లీ కిచిడి తయారీ విధానం

కావలిసిన పదార్ధాలు :

కంది పప్పు - 1 కప్పు

బార్లీ - 1 కప్పు

1 టీ స్పూన్ - ఇంగువ

1 టీ స్పూన్ - జీలకర్ర

పచ్చి మిర్చి - 2

ఉల్లిపాయ - 1 (చిన్నది )

పసుపు - చిటికెడు

ఉప్పు - సరిపడినంత

తయారీ విధానం :

ముందుగా పప్పు, బార్లీని కడిగి నీటిలో నానబెట్టుకోవాలి . ఆ తరువాత పాన్ మీద ప్రెషర్ కుక్కర్‌ పెట్టి , దానిలో నెయ్యి వేసి అది వేడయ్యే వరకు ఉంచుకోవాలి. వాటిలో కొంచం ఇంగువ, జీల కర్ర వేసి వాటిని 10 నుంచి 15 సెకన్ల వరకు బాగా వేగనివ్వండి. ఆ తరువాత ఆ మిశ్రమంలో కొన్ని పచ్చి మిర్చి , కట్ చేసిన ఉల్లిపాయలు ముక్కలు వేసుకొని రంగు మారే వరకు కొంచం సేపు ఉంచుకోవాలి. ఇప్పుడు ప్రెజర్‌ కుక్కర్‌లో 3 కప్పుల నీరు తీసుకోని వాటితో పాటు ఉప్పు, పసుపుతో పాటు బార్లీ, పప్పుని వేసుకోవాలి. ఇప్పుడు సన్నని మంట మీద 10 నిమిషాల పాటు ఆ మిశ్రమాన్ని బాగా ఉడికించాలి. 1 విజిల్ వచ్చే వరకూ ఉంచి దించుకోవాలి. అంతే వేడి వేడి బార్లీ కిచిడి రెడీ.