రెండు బైకులు ఢీ కొని ఇద్దరు మృతి

దిశ, మెదక్: రెండు బైకులు ఎదురెదురుగా ఢీ కొనడంతో ఇద్దరు వ్యక్తులు మృతిచెందారు. ఈ ఘటన సంగారెడ్డి జిల్లా పటన్ చేరు మండలం కర్దనూర్ గ్రామ సమీపంలో జరిగింది. ఈ సంఘటనలో బైక్‌ల‌పై ప్రయాణిస్తున్న ఇద్దరికి తీవ్ర గాయాలయ్యాయి. పరిస్థితి విషమంగా ఉండటంతో స్థానికులు గమనించి ఆసుపత్రి తరలిస్తుండగా మార్గం మధ్యలో ఇద్దరూ మృతిచెందారు. వీరిలో ఒకరు బీడీఎల్ పరిశ్రమ కార్మికుడు భూపాలన్, మరో వ్యక్తి కొండకల్ గ్రామానికి చెందిన అశోక్‌గా గుర్తించారు.