‘ముక్కోటి వృక్షార్చన విజయవంతం చేయాలి’

దిశ, మిర్యాలగూడ : ఈ నెల 24న టీఆర్ఎస్ పార్టీ వర్కింగ్ ప్రెసిడెంట్, పురపాలక ఐటీ శాఖ మంత్రి కేటీఆర్ పుట్టినరోజు పురస్కరించుకొని చేపట్టిన ముక్కోటి వృక్షార్చన విజయవంతం చేయాలని ఎమ్మెల్యే నల్లమోతు భాస్కర్ రావు అన్నారు. గురువారం ఎమ్మెల్యే క్యాంపు కార్యాలయంలో ఆయన మాట్లాడుతూ వెంకటాద్రి పాలెం పల్లె ప్రకృతి వనంలో ఏక కాలంలో 2500 మందితో మొక్కలు నాటడం తో పాటు 119 గ్రామాల్లో, గ్రామానికి 1500 చొప్పున మొక్కలు నాటుతున్నట్లు తెలిపారు. ఈ కార్యక్రమంలో ప్రజలంతా భాగస్వాములై జయప్రదం చేయాలని కోరారు.