బలహీన వర్గాలను జాగృతం చేసిన గొప్ప వ్యక్తి పూలే: ప్రవీణ్

దిశ, చేవెళ్ల: మహాత్మ జ్యోతిరావు పూలే వర్ధంతి సందర్భంగా ఆదివారం చేవెళ్ల అంబేద్కర్ సంఘం ఆధ్వర్యంలో మండల కేంద్రంలో ఉన్న జ్యోతిరావు పూలే విగ్రహానికి పూలమాలలు వేసి ఘనంగా నివాళులర్పించారు. ఈ సందర్భంగా అంబేద్కర్ సంఘం అధ్యక్షులు సున్నపు ప్రవీణ్ మాట్లాడుతూ.. సామాజిక న్యాయంపై దళిత, బలహీన వర్గాలను జాగృతం చేసిన గొప్ప వ్యక్తి పూలే అని ఆయన అన్నారు. మానవ హక్కుల కోసం పోరాటం నడిపిన విప్లవకారుడు జ్యోతిరావు పూలే అని అన్నారు. ఈ కార్యక్రమంలో మాజీ డీసీసీ అధ్యక్షులు పడ్డాల వెంకట్ స్వామి, మద్దెల జంగయ్య, తలారి శివ, బురాన్ నరేష్, అంబేద్కర్ సంఘం నాయకులు, తదితరులు పాల్గొన్నారు.