డాక్టర్ పట్టా పొందిన రామ చిలుక.. ఆశ్చర్యపోతున్న జనాలు (వీడియో)
దిశ, ఫీచర్స్: అప్పుడప్పుడు సోషల్ మీడియాలో వింతలు చూస్తూనే ఉన్నాం. ముఖ్యంగా పక్షులు, జంతువుల విషయంలో అయితే మరింత ఆశ్చర్యాన్ని కలిగిస్తాయి. ఈ తరహా వీడియోల్లో పలు జంతువులు, పక్షులు సోషల్ మీడియాలోని జనాల నోరెళ్లబెట్టేలా చేస్తాయి. తాజాగా రామ చిలుక చేసిన పని సోషల్ మీడియాలో వైరల్ అవుతోంది. నెట్టింట వైరలవుతోన్న వీడియో చూసినట్లైతే.. ఒక వ్యక్తి రామ చిలుకను పట్టుకున్నాడు. దాన్ని ఆ బాలుడి నోటి దగ్గరకు తీసుకుపోయాడు.
తర్వాత రామ చిలుక తన ముక్కును ఉపయోగించి.. ఆ బాలుడి నోటిలో పుచ్చిపోయిన పన్నును బయటకు తీస్తుంది. తర్వాత సదరు వ్యక్తి ఆ పంటిని తీసి ఒక కంటైనర్ లో వేస్తాడు. చిలుకతో పాడైపోయిన పళ్లు తీయించుకున్న బాలుడు ప్యారెట్ ను చూసి తెగ సంబరపడిపోతాడు. పిల్లాడు కళ్లు పెద్దవిగ చేసి ఆశ్చర్యంగా చూడడం కూడా వీడియోలో గమనించవచ్చు. ప్రస్తుతం ఈ వీడియోను వీక్షించిన నెటిజన్లు డాక్టర్ అవసరం లేదు. ఇంత సులువుగా పంటి ట్రీట్‌మెంట్ ఇచ్చిన చిలుక రియల్లీ గ్రేట్, డాక్టర్ పట్టా ఇచ్చిన తప్పు లేదు అంటూ డెంటిస్ట్ రామ చిలుక పై జనాలు పొగడ్తల వర్షం కురిపిస్తున్నారు.
