Viral:విమానంలో భారీ కుదుపులు.. ఒక్కసారిగా ఎగిరిపడిన ప్రయాణికులు(వీడియో వైరల్)

దిశ,వెబ్‌డెస్క్: విమానం ప్రయాణం(Air travel)లో ఉండగా కుదుపులకు లోనవడం వంటి ఘటనలు అప్పుడప్పుడు వింటూనే ఉంటాం. ఈ క్రమంలో విమానంలోని ప్రయాణికులు(Passengers on board) భయాందోళనలకు(Panic) గురవుతారు. అయితే తాజాగా సోషల్ మీడియా(Social Media)లో ఇలాంటి ఘటన వైరల్‌ అవుతోంది. వివరాల్లోకి వెళితే.. విమానం గాల్లో ఉండగా ఒక్కసారిగా కుదుపులకు లోనవడం తో ప్రయాణికులు సీట్లలో నుంచి ఎగిరిపడ్డారు. ఈ క్రమంలో కొందరైతే ఏకంగా పైకప్పుకు ఎగిరిపడ్డారు. దీంతో చేతుల్లో ఉన్న వస్తువులు, బ్యాగులు, ఎయిర్ హోస్టెస్ లు, ఆహార పదార్థాలన్నీ చెల్లాచెదురు అయ్యాయి.

అయితే ఉన్నట్టుండి విమానం కుదుపులకు లోనవడంతో ఏదో ప్రమాదం జరుగుతోందని ప్రయాణికులు భయాందోళనలకు గురయ్యారు. స్వీడన్ నుంచి ఫ్లోరిడాకు వెళుతున్న విమాన ప్రయాణికులకు ఈ భయానక అనుభవం ఎదురైంది. ఈ నెల 14న స్టాక్‌హోమ్ నుంచి మియామీ బయలుదేరిన స్కాండినేవియన్ ఎయిర్‌లైన్స్ విమానంలో ప్రయాణికులు(Passengers on board) చావు భయాన్ని చవిచూశారు. గ్రీన్‌లాండ్‌ను దాటే సమయంలో భారీ కుదుపులు రావడంతో సీట్ బెల్ట్ పెట్టుకోనివారు విమానం సీలింగ్‌ను తాకేలా ఎగిరిపడ్డారు. వారి హాహాకారాలు వీడియోలు వైరల్(Video Viaral) అవుతున్నాయి. ముందు జాగ్రత్తగా పైలట్లు విమానాన్ని వెనక్కి తిప్పారు. ప్రయాణికులందరూ సురక్షితంగానే ఉన్నట్లు తెలుస్తోంది. ప్రస్తుతం దీనికి సంబంధించిన వీడియో సోషల్ మీడియాలో వైరల్ గా మారింది.