‘శివయ్యా! నా మాట వినయ్యా..!’ శివయ్యకు వానర వందనం

మనుషులే కాదు... జంతువులు కూడా వాటి కోరికలు కోసం దేవుడిని వేడుకుంటాయి. అలాంటి దృశ్యం ఒకటి కెమెరా కళ్ళకు చిక్కింది. శివలింగానికి ‘ఓ శివయ్య నా మాట వినయ్యా..’ అంటూ ఓ వానరం మొక్కుతున్న దృశ్యం మల్కాజిగిరి జిల్లా, మేడ్చల్‌‌లో కనిపించింది. కీసరగుట్టలో రామలింగేశ్వరస్వామి ఆలయానికి ఎదురుగా ఉన్న శివలింగానికి ఓ వానరం మొక్కింది. సోమవారం స్వామి దర్శనానంతరం భక్తులు ఆలయానికి ఎదురుగా ఉన్న శివలింగాలకు పూజలు చేసి అలంకరించారు. ఆ సమయంలో ఓ కోతి తన్మయత్వంతో శివలింగానికి మొక్కడం భక్తులను ఆకర్షించింది. పక్కనే కొబ్బరి చిప్పలున్నా కోతి చేష్టలు చేయకుండా దండంపెడుతున్న ఈ ఆసక్తికర దృశ్యం సోషల్ మీడియాలో వైరల్ అవుతోంది.