Mahesh Kumar Goud: టి-సాట్ ను సందర్శించిన టీపీసీసీ అధ్యక్షులు మహేష్ కుమార్ గౌడ్
దిశ, తెలంగాణ బ్యూరో: సంక్షేమ పథకాల అమలులో ప్రజలకు, ప్రభుత్వానికి వారధిగా టి-సాట్(T-Sat) నిలవాలని ఎమ్మెల్సీ, టీపీసీసీ అధ్యక్షులు(TPCC President) బి.మహేష్ కుమార్ గౌడ్(B. Mahesh Kumar Goud) అన్నారు. టి-సాట్ సీఈవో బోదనపల్లి వేణుగోపాల్ రెడ్డి(Bodanapalli Venugopal Reddy) ఆహ్వానం మేరకు శనివారం తెలంగాణ శాటిలైట్ స్కిల్ అండ్ అకడమిక్స్ ను సందర్శించారు. టి-సాట్ కార్యాలయాన్ని సందర్శించిన ఆయన కార్యాలయ నిర్వహణపై సంతృప్తి వ్యక్తం చేస్తూ సీఈవో వేణుగోపాల్ రెడ్డిని అభినంధించారు. తొలి సారి టి-సాట్ కార్యాలయానికి వచ్చిన మహేష్ కుమార్ గౌడ్ ను సీఈవో వేణుగోపాల్ రెడ్డి సన్మానించారు. అనంతరం కార్యాలయంలోని వివిధ విభాగాలను సీఈవోతో కలిసి పరీశిలించారు. టి-సాట్ పనితీరుకు సంబంధించిన వివరాలను అడిగి తెలుసుకుని ప్రభుత్వ పరంగా అవసరమైన సహాకారాన్ని అందించేందుకు సహకరిస్తానని మహేష్ కుమార్ గౌడ్ హామీ ఇచ్చారు.
