పోలీసులు ప‌ట్టుకోబోతే ఇలా పారిపోవ‌చ్చ‌న‌మాట..?! (వీడియో)
దిశ, వెబ్‌డెస్క్ః చ‌ట్టానికి విరుద్ధంగా ప్ర‌వ‌ర్తించ‌డం ఏదైనా నేరమే. అయితే, రోడ్డుపైన రూల్స్‌కు వ్య‌తిరేకంగా వెళ్లే వారిలో రెండు రకాల వ్యక్తులు ఉంటారు. ఒక‌ళ్లు, వారిని పోలీసులు ఆపితే లేదంటే ప‌ట్టుకోడానికి ఛేజ్ చేస్తే భయాందోళనతో కంగారుగా త‌ప్పించుకోబోయి దొరికిపోయేవారు. ఇంకొక‌ళ్లు, అది పెద్ద విషయం కాదని, పోలీసుల నుండి తెలివిగా, ఎలాగోలా తప్పించుకునేవారు. అయితే, సోషల్ మీడియాలో క్రేజీగా వైరల్ అవుతున్న ఈ వీడియో రెండో కోవకు చెందిన వ్యక్తిని చూపిస్తుంది. ఈ క్లిప్‌ను ఇన్‌స్టాగ్రామ్‌లో 'sbcreation.b' పేజీలో షేర్ చేశారు.
ఇందులో స్కూటర్ నడుపుతున్నఓ వ్యక్తిని ప‌ట్టుకోడానికి పోలీసులు కారులో ఛేజ్ చేస్తుంటారు. ఆ వ్యక్తి ఎడమ వైపుకు వెళ్లి, పోలీసుల్ని కూడా ఎడమవైపు తీసుకునేలా చేస్తాడు. కానీ, వ్యక్తి వెంట‌నే ఒక కారుకు ఎదురుగా వచ్చి, తన స్కూటర్‌ని కారు చుట్టూ నడిపి, అతను వచ్చిన రోడ్డు వైపై తిరిగి వెళ్లిపోతాడు. ఇక, పోలీసు వ్యాన్‌ను నడుపుతున్న అధికారులకు ఏం జ‌రిగిందో అర్థ‌మ‌య్యేలోపు అత‌డు మాయ‌మ‌వుతాడు. "పర్ఫెక్ట్ యు టర్న్," అంటూ నెటిజ‌నులు నవ్వు ఎమోజీలతో కామెంట్లు పెడుతున్నారు.
