pet dog : ఒక్కడు సినిమాను చూపించిన కుక్క..పేలుతున్న పటాకులతో ఇంట్లోకి

దిశ, వెబ్ డెస్క్ : కుక్క(pet dog)ను విశ్వాసానికి మారు పేరుగా గుర్తించడం అందరికి తెలిసిందే. అయితే ఒక్కోసారి యాజమాని పట్ల కుక్కలు ప్రదర్శించే విశ్వాసం..ప్రేమ బూమ్ రాంగ్ అయితే యాజమానికి చిక్కులు తప్పవు. ఓ పెంపుడు కుక్క తన విశ్వాసాన్ని చాటుకునే క్రమంలో యజమానికి ఒక్కడు(okkadu) సినిమాలోని సన్నివేశాన్ని చూపించగా..తృటిలో పెను ప్రమాదం తప్పింది. హీరో మహేశ్ బాబు, భూమిక జంటగా నటించిన ఒక్కడు సినిమాలో తెలంగాణ శకుంతల పాత్ర పెంపుడు కుక్క ఆమె ఏది విసిరేస్తే దానిని తిరిగి తనకు తీసుకొచ్చి ఇచ్చేస్తుంటుంది. సినిమా చివరలో పేలడానికి సిద్ధంగా ఉన్న బాంబు(exploding firecrackers) ను సైతం అలాగే తీసుకొచ్చి ఇవ్వడం.. అది పేలడం ఆమె గాయపడటం చూస్తాం.

సరిగ్గా ఇదే సీన్ ను తలపించేలా ఓ వ్యక్తి తను దీపావళికి పటాకులు కాలుస్తుండగా ఆయన పెంపుడు కుక్క పేలుతున్న పటాకులను తిరిగి ఇంట్లోకి తీసుకెళ్లి వేసిన ఘటన వీడియో వైరల్ గా మారింది. ఓ వ్యక్తి తన ఇంటి ముందు పటాకులు కాలుస్తు ఉన్నాడు. అదే సమయంలో అక్కడే తన పెంపుడు కుక్కలు రెండు పడుకొని ఉన్నాయి. ఉన్నట్టుండి వాటిలోని చిన్న కుక్క పేలుతున్న పటాకును నోట కరుచుకుని నేరుగా తన యజమాని ఇంట్లోకి తీసుకెళ్లింది. యజమాని అప్రమత్తమై వెంటనే పటాకును లాక్కుని బయటపడేశాడు. దీంతో ప్రమాదం తప్పింది. తల్లి కుక్క వారించే లోపునే కుక్క పిల్ల చేసిన నిర్వాకం యాజమాని కొంప తగులబడిపోయేంత పనైంది. ఇప్పడు దీనికి సంబంధించిన వీడియో సోషల్ మీడియాలో వైరల్‌గా మారింది.