సినీపరిశ్రమలో విషాదం.. ప్రముఖ నటి మృతి

దిశ, వెబ్ డెస్క్: సినీపరిశ్రమలో విషాదం నెలకొంది. ప్రముఖ నటి నల్లెనై చిత్ర(56) గుండెపోటుతో కన్నుమూశారు. ఈ విషయాన్ని ఆమె కుటుంబ సభ్యులు ధృవీకరించారు. శనివారం సాయంత్రం 4 గంటలకు ఆమె అంత్యక్రియలు నిర్వహించనున్నట్లు ఓ ప్రకటనలో వెల్లడించారు. బాల నటిగా సినీ ఇండస్ట్రీలోకి అడుగుపెట్టిన నల్లనై చిత్ర 1980-90 మధ్య కాలంలో పలు కన్నడ, తమిళ, తెలుగు చిత్రాల్లో నటించి ప్రేక్షకులను మెప్పించారు.

వడక్కన్ వీరగాథ, పరంపర, కలిక్కలం, రాజవచ్చ వంటి మలయాళ చిత్రాలు ఆమెకు మంచి గుర్తింపు తీసుకువచ్చాయి. వెండితెరపై కోట్లాది మంది అభిమానులను సంపాదించుకున్న నల్లనై చిత్ర ఆ తర్వాత బుల్లితెర ద్వారా ప్రేక్షకులకు మరింత దగ్గరయ్యారు. తమిళ సీరియల్స్‌లో నటిగా బిజీగా మారిపోయారు. నల్లనై చిత్రకు భర్త విజయరాఘవన్, కుమార్తె మహాలక్ష్మి ఉన్నారు.