అప్పుడు గ్యాప్ ఇచ్చాడు.. ఇప్పుడు వచ్చింది

దిశ, వెబ్ డెస్క్: స్టైలీష్ స్టార్ అల్లు అర్జున్, మాటల మాంత్రికుడు త్రివిక్రమ్ కాంబినేషన్‌లో సంక్రాంతికి వచ్చిన అలా వైకుంఠపురంలో సినిమా బాక్సాఫీసు వద్ద బ్లాక్ బస్టర్ హిట్ కొట్టింది. ఈ సినిమాకు బన్నీ చాలా గ్యాప్ తీసుకున్నాడు. కానీ తర్వాతి సినిమాకు ఏమాత్రం గ్యాప్ తీసుకోకుండా అదే ఊపులో సుకుమార్ దర్శకత్వంలో పుష్ప సినిమాలో నటిస్తున్నాడు. ఈ సినిమాను భారీగా పాన్ ఇండియా లెవల్‌లో తెరకెక్కిస్తున్నారు. ఇప్పటికే ఐదు భాషల్లో రిలీజైన బన్నీ ఫస్ట్ లుక్‌కి అందరూ ఫిదా అయ్యారు. కాగా కరోనా వైరస్ విస్తృత వ్యాప్తి మూలంగా ఈ సినిమా చిత్రీకరణ ఆగిపోయింది. అలా వైకుంఠపురంలో సినిమాకు తీసుకున్న గ్యాప్ మళ్లీ వచ్చేలా ఉందని, హీరో బన్నీతో సహా, ఆయన అభిమానులు కూడా ఆందోళన చెందుతున్నారు. పుష్పలో చిత్తూరు కుర్రాడిగా బన్నీ నటిస్తున్నాడు. ఇందుకోసం అక్కడి యాస కూడా నేర్చుకుంటున్నాడు. ఇక ఈ చిత్రం కోసం బాగానే మారిపోయిన బన్నీకి ఇప్పుడు ఆ పాత్ర కంటే ఎక్కువ గడ్డం, జుట్టు పెరిగిపోతుంది. పుష్ప కోసం చేసిన లుక్ కంటే కూడా బన్నీ లుక్ అవసరానికి మించిపోతుంది. దీంతో కాస్త తగ్గించే పనిలో బన్నీ ఉన్నాడనే వార్తలు వినిపిస్తున్నాయి. దాంతో పాటు లుక్ విషయంలో కూడా జాగ్రత్తలు తీసుకుంటున్నాడు. అందుకే బయటికి వచ్చి మరీ వాకింగ్ గట్రా చేస్తున్నాడు. మైత్రి మూవీ మేకర్స్ నిర్మాణంలో వస్తున్న ఈ చిత్రంలో రష్మిక మందన్న హీరోయిన్. సంగీత దర్శకుడు దేవి శ్రీ మ్యూజిక్ స్వరాలందిస్తున్నారు.