డివైడర్‌ను ఢీ కొన్న కారు.. మహిళ మృతి

దిశ, వెబ్‌డెస్క్: కడప జిల్లా దువ్వూరు మండలం కానగూడూరులో రోడ్డు ప్రమాదం జరిగింది. వేగంగా దూసుకొచ్చిన కారు డివైడర్‌ను ఢీ కొట్టింది. ఈ ప్రమాదంలో ఓ మహిళ మృతి చెందగా.. మరో ఐదుగురికి తీవ్ర గాయాలు అయ్యాయి. క్షతగాత్రులను స్థానిక ప్రభుత్వాస్పత్రికి తరలించారు. హైదరాబాద్ నుంచి కడప వెళ్తుండగా ఈ ప్రమాదం చోటు చేసుకుంది. ఘటనాస్థలికి చేరుకున్న పోలీసులు.. మృతదేహాన్ని పోస్టుమార్టం నిమిత్తం ఆస్పత్రికి తరలించారు. ఈ ఘటనపై కేసు నమోదు చేసి దర్యాప్తు చేపట్టారు.