స్టేజ్‌పైనే అతని చెంప పగలగొట్టిన హీరో.. వీడియో వైరల్
దిశ, సినిమా : ప్రపంచ చలనచిత్ర రంగంలో అత్యంత ప్రతిష్టాత్మక అవార్డు 'ఆస్కార్'. అయితే, రెండేళ్ల విరామం తర్వాత జరుగుతున్న ఈ వేడుకల్లో ఓ షాకింగ్ ఇన్సిడెంట్ చోటుచేసుకుంది. హోస్ట్‌గా వ్యవహరించిన నటుడు క్రిస్ రాక్‌‌పై హాలీవుడ్‌ హీరో విల్‌ స్మిత్ చేయి చేసుకున్నాడు. తన భార్య 'జాడా పింకెట్ స్మిత్' పై క్రిస్ కుళ్లు జోకులు పేల్చడంతో ఆగ్రహానికి గురైన స్మిత్.. స్టేజ్‌ పైకి వేగంగా వెళ్లి క్రిస్ రాక్‌ చెంప పగలగొట్టాడు. దీంతో ప్రేక్షకులు, నిర్వాహుకులు షాక్ అయ్యారు.
అయితే స్మిత్ కొట్టిన దెబ్బను క్రిస్ స్పోర్టివ్‌గా తీసుకున్నాడు. కానీ అప్పటికీ కోపంలోనే ఉన్న స్మిత్.. 'నా భార్య పేరును నీ నోటి నుంచి రానివ్వకు' అంటూ గట్టిగా అరిచాడు. ఈ ఘటన తర్వాత 'కింగ్ రిచర్డ్‌' మూవీకి గాను ఉత్తమ నటుడిగా ఆస్కార్ అందుకున్న స్మిత్.. కోపంలో పొరపాటు చేశానంటూ అకాడమీకి, తోటి నటీనటులకు క్షమాపణలు చెప్పాడు. అతి ప్రేమ కొన్నిసార్లు ఆలోచించకుండా చేస్తుందన్న స్మిత్.. ప్రజలను ప్రేమిస్తూ ఆదర్శంగా ఉండాలని కోరుకుంటున్నట్లుగా చెప్పుకొచ్చాడు. కాగా చెంప పగలగొట్టిన వీడియో నెట్టింట వైరల్ అవుతోంది.
Will Smith just said, nope. That's my wife.#Oscars pic.twitter.com/zKk2Gjemuy
— Erik Davis (@ErikDavis) March 28, 2022
