మండలాల వారీగా ఫైర్​స్టేషన్లు ఏర్పాటు చేస్తాం

దిశ, తెలంగాణ బ్యూరో : మండలాల వారీగా ఫైర్​స్టేషన్లను ఏర్పాటు చేయాలని ఎమ్మెల్యేల నుంచి ప్రతిపాదనలు పెరుగుతున్నాయని, ప్రభుత్వం ఆ దిశగా చర్యలు తీసుకుంటుందని హోం మంత్రి మహముద్​ అలీ పేర్కొన్నారు. సోమవారం అసెంబ్లీలో సభ్యులు క్రాంతి కిరణ్​చంటి, ఎస్.రాజేందర్​రెడ్డిలు అడిగిన ప్రశ్నలకు ఆయన సమాధానం ఇచ్చారు. స్వరాష్ట్రం ఏర్పడిన తర్వాత ఇప్పటికే ఫైర్​స్టేషన్లను పెంచామన్నారు. దీంతో పాటు అన్ని పోలీస్​స్టేషన్లను ఆధునీకరిస్తున్నామన్నారు. పోలీస్​కమిషనర్, సూపరింటెండెంట్, సబ్​ డివిజనల్​పోలీసు కార్యాలయం, ఇన్​స్పెక్టర్లతో పాటు పోలీస్​స్టేషన్లు, ఇతర కార్యాలయాల కోసం ఆధునిక భవనాలను నిర్మించి, ఆధునిక టెక్నాలజీ చర్యలను అమలు చేస్తున్నామన్నారు. సమర్ధవంతంగా విధులు నిర్వర్తిస్తున్న సిబ్బందికి బహుమతులు కూడా ఇస్తున్నామన్నారు.