Vishwak Sen: ‘మెకానిక్ రాకీ’ మూవీ చూడండి.. విశ్వక్ సేన్ కార్ గెలుచుకోండి..!
దిశ, వెబ్ డెస్క్ : మాస్ కా దాస్ విశ్వక్ సేన్ ( Vishwak Sen) చివరి రెండు సినిమాలు గామీ, గ్యాంగ్స్ ఆఫ్ గోదావరి మంచి విజయం అందుకున్నాయి. తాజాగా, విశ్వక్ మెకానిక్ రాకీ ( Mechanic Rocky ) మూవీతో మళ్ళీ ప్రేక్షకుల ముందుకొచ్చాడు. ప్రస్తుతం ఈ మూవీ థియేటర్స్ లో రన్ అవుతుంది. రిలీజ్ అయిన ఫస్ట్ డే నుంచే మిక్స్డ్ టాక్ తో రన్ అవుతుంది. మీనాక్షి చౌదరీ, శ్రద్ధా శ్రీనాథ్‌ కథానాయికలుగా నటించిన ఈ మూవీ రవితేజ ముళ్లపూడి దర్శకత్వం వహించారు. ఎస్‌ఆర్‌టీ ఎంటర్‌టైన్‌మెంట్స్ బ్యానర్ పై రామ్‌ తల్లూరి నిర్మించిన ఈ మూవీ నవంబర్ 22 న రిలీజ్ అయింది.
తాజాగా, ఈ మూవీ చూసే ప్రేక్షకులకు ఓ బంపర్ ఆఫర్ ప్రకటించాడు విశ్వక్. ఈ మూవీలో విశ్వక్ ఓ కార్ వాడతారు. మూవీలో చేసిన అన్ని ఫైట్ సీన్స్ లో అదే కార్ వాడాడు. ఇక, ఈ సినిమాలో విశ్వక్ వాడిన కార్ ను గెలుచుకునే అవకాశాన్ని కల్పించాడు మాస్ కా దాస్.
మెకానిక్ రాకీ మూవీ చూడబోయే ప్రేక్షకులు టికెట్ బుక్ చేసుకున్న తర్వాత తమ ఫ్యామిలీ తో ఓ ఫోటో దిగి #Rockykacar అనే హ్యాష్ ట్యాగ్ పెట్టి సోషల్ మీడియా అకౌంట్ లో పోస్ట్ చేయమని చెప్పారు. అలా పోస్ట్ చేసిన వారిలో ఒకరిని సెలెక్ట్ చేసి వారికీ విశ్వక్ వాడిన కార్ ను గిఫ్ట్ గా ఇస్తాడట. మరి, ఈ హీరో వాడిన కారు ఎవరు గెలుచుకుంటారో చూడాల్సి ఉంది.
