Nara Rohit: హీరోయిన్‌తో టాలీవుడ్ హీరో ఎంగేజ్‌మెంట్.. వైరల్ అవుతున్న ఫొటోలు
దిశ, సినిమా: టాలీవుడ్ హీరో నారా రోహిత్ (Rohit)బ్యాచ్‌లర్ లైఫ్‌కు గుడ్ బై చెప్పి త్వరలో పెళ్లి చేసుకొని ఓ ఇంటివాడు కాబోతున్నాడు. అయితే గత కొద్ది కాలంగా ప్రతినిధి-2 హీరోయిన్ సిరీ లెల్ల (siree lella) తో ప్రేమలో ఉన్న నారా రోహిత్ నేడు అక్టోబర్ 13న ఆదివారం హైదరాబాద్‌తోని నోవాటెల్‌ హోటల్‌లో నిశ్చితార్ధం చేసుకున్నాడు. అయితే ఈ వేడుకకు ఏపీ సీఎం చంద్రబాబు(CM Chandrababu), మంత్రి లోకేష్, ఎమ్మెల్యే బాలకృష్ణ(Balakrishna), ఇతర కుటుంబ సభ్యులు, బంధు మిత్రులు హాజరయ్యారు. ప్రజెంట్ రోహిత్ (Rohit)ఎంగేజ్‌మెంట్ ఫొటోలు సోషల్ మీడియాలో వైరల్ అవుతున్నాయి. ఇక వాటిని చూసిన అభిమానులు కంగ్రాట్స్ చెబుతున్నారు. అయితే వీరిద్దరి పెళ్లి డిసెంబర్‌లోనే జరగనున్నట్లు సమాచారం.
కాగా, నారా రోహిత్(Rohit) ‘బాణం’ సినిమాతో టాలీవుడ్ ఇండస్ట్రీకి హీరోగా ఎంట్రీ ఇచ్చాడు. ఆ తర్వాత పలు చిత్రాల్లో నటించి మెప్పించాడు. 2011లో విడుదలైన సోలోతో ఘన విజయం తన ఖాతాలో వేసుకున్నాడు. ఇక 2018లో ‘వీరభోగ వసంత రాయలు’ సినిమా తర్వాత నుంచి ఇండస్ట్రీకి దూరంగా ఉన్న రోహిత్ .. దాదాపు ఆరేళ్ల తర్వాత మళ్లీ 2024లో ప్రతినిధి-2 సినిమాలో నటించాడు. ఈ క్రమంలోనే ఇందులో హీరోయిన్‌గా నటించిన సిరితో పరిచయం ఏర్పడినట్లు సమాచారం. అది కాస్త ప్రేమగా మారడంతో పెద్దలను ఒప్పించి నిశ్చితార్థం చేసుకున్నారు.
