దొంగ‌త‌నానికొచ్చి డ్యాన్స్ వేసిన దొంగ! త‌ర్వాత ఏంజ‌రిగిందో చూడండి
దిశ, వెబ్‌డెస్క్ః పోలీసుల కంటే దొంగే స్పీడుగుంటాడ‌ని ఓ మాట ఉండ‌నే ఉంది. అందులోనూ, ఇయ్యాల్రేపు సీసీ కెమెరాలు ఉంటాయ‌ని తెలియ‌ని దొంగంటూ ఎవ‌రైనా ఉంటారా..?! ఫోను ట‌వ‌ర్‌లు, సీసీ కెమెరాలు ఉండ‌బ‌ట్టి గానీ లేక‌పోతే, పాపం! ఈ పోలీసోళ్ల ప‌రిస్థితి ఏలా ఉండేదో..!? ఇక, టెక్నాల‌జీ గురించి దొంగ‌ల‌కే ఎక్కువ తెలుసేమో గానీ త‌ప్పించుకునే మెథ‌డ్‌లు త‌ప్ప‌క పాటిస్తున్నారు. ఇలాగే, ఉత్త‌ర్ ప్ర‌దేశ్‌లోని చందౌడీలో ఓ దొంగోడు హార్డ్‌వేర్ షాపులోకి దూరి, స‌క్సెస్ ఫుల్లుగా దొంగ‌త‌నం చేశాడు. ఒంటిరిగా వ‌చ్చిన ఈ దొంగ త‌న సంతోషాన్ని ఎలా పంచుకోవాలి..? ఏకంగా స‌ద‌రు షాపు ఓన‌ర్‌తోనే పంచుకోవాల‌నుకున్నాడేమో గానీ, షాపులో ఉన్న సీసీ కెమెరాల‌ను చూస్తూ తీన్మార్ చిందులేశాడు. ఆన‌క, ముందుగానే తెరిచుంచిన ష‌ట్ట‌ర్ కింద నుండి దూరి, చ‌ల్ల‌గా జారుకున్నాడు.
పొద్దున్నే యాజ్ యూజువ‌ల్‌గా షాపుకు వ‌చ్చిన య‌జ‌మాని అన్షు సింగ్ తెరిచున్న షాప్ ష‌ట్ట‌ర్ చూసి, నివ్వెర‌పోయాడు. లోప‌లికి వ‌చ్చి చూస్తే కౌంట‌ర్లో డ‌బ్బులు మిస్సింగ్‌. సీసీ కెమెరా తెరిచి చూస్తే దొంగ డ్యాన్సింగ్‌. చేసేది లేక పోలీసుల‌కు కబురంపాడు. ఇప్పుడు, కేసు కాస్త క‌ష్ట‌మ‌య్యింది. ఎందుకంటే సీసీ కెమెరాలుంటాయ‌ని తెలుసు కాబ‌ట్టి దొంగ ముఖానికి ముసుగు వేసుకున్నాడు. అయినా, విచార‌ణ త‌ప్పదుగా.. మ‌రి పోలీసులు ఏంచేస్తారో పాపం..?! నెట్టింట్లో వైరల్ అయిన ఈ వీడియోను చూసి న‌వ్వాలో, షాపు ఓన‌ర్ని త‌ల‌చుకొని బాధ‌ప‌డాలో తెలియ‌క నెటిజన్లు సోంచాయిస్తున్నారు.
