ఫుల్‌గా తాగి రోడ్డుపైన ర‌చ్చ ర‌చ్చ.. అమ్మాయి తిట్ల‌కు షాకైన పోలీసులు! (వీడియో)
దిశ, వెబ్‌డెస్క్ః కాలం మారింది.. స్వేచ్ఛ‌కు అర్థం మారిపోయిన‌ట్లు యువ‌త రోడ్ల‌పైన రెచ్చిపోతున్నారు. అయితే, కాస్త ఆశ్చ‌ర్య‌క‌రంగా ఇక్క‌డ ఓ యువ‌తి వార్త‌ల్లో నిలిచింది. ఓ మహిళ ఇష్టారాజ్యంగా క్యాబ్ డ్రైవ‌ర్ పైన విరుచుకుప‌డింది. పోలీసు అధికారుల‌ను దుర్భాషలాడింది. న‌వీ ముంబ‌య్‌లో జ‌రిగిన ఈ షాకింగ్ సంఘ‌ట‌న‌కు సంబంధించిన వీడియో సోషల్ మీడియాలో వైరల్ అయ్యింది. ముంబైలో అర్థరాత్రి పార్టీకి హాజరై వ‌స్తున్న గుర్తుతెలియని యువ‌తి తన ఇద్దరు స్నేహితురాళ్ల‌తో కలిసి ఓలా క్యాబ్‌లో ఉండగా ఈ సంఘటన జరిగింది. ముగ్గురు యువ‌తుల్లో విపరీతంగా తాగిన ఒకామె, క్యాబ్ డ్రైవర్‌ని దుర్భాషలాడడం ప్రారంభించింది. కారు తాను న‌డుపుతాన‌ని, డ్రైవింగ్ చేసే అతన్ని కూడా పక్కకు నెట్టడానికి ప్రయత్నించింది. గొడవను గమనించిన పోలీసులు సంఘటనా స్థలానికి చేరుకోగా, అందులో ఒక పోలీసును కాలర్ పట్టుకుని బెదిరించింది. రోడ్లపై పడుకోవడం, బాట‌సారుల‌ను పెద్ద పెద్ద‌గా అర‌వ‌డం చేస్తూ, విసుగు తెప్పించింది. ఒక ట్విటర్ వినియోగదారు దీనికి సంబంధించిన వీడియోల సిరీస్‌ను షేర్ చేయ‌గా అవి వైరల్ అయ్యాయి. ఇక, నివేదికల ప్రకారం, ఈ సంఘటన మార్చి 25, 2022 నాటిదని, మద్యం మత్తులో పబ్లిక్ లా అండ్ ఆర్డర్‌కు భంగం కలిగించినందుకు ముగ్గురు బాలికలపై కేసు నమోదు చేసిన‌ట్లు తెలుస్తుంది. అయితే, ఈ వీడియో ఇప్పుడే బయటకు వచ్చింది.
