డూప్ లేకుండానే అలాంటి సీన్స్‌లో పాల్గొన్న ప్రభాస్ బ్యూటీ.. నెట్టింట వైరల్ అవుతున్న న్యూస్
దిశ, సినిమా: ‘ఝుమ్మంది నాదం’ సినిమాతో టాలీవుడ్ ఇండస్ట్రీకి ఎంట్రీ ఇచ్చిన తాప్సీ పన్ను గురించి ప్రత్యేకంగా చెప్పాల్సిన పనిలేదు. ఈ మూవీ ఎంతగా హిట్ అయిందో మనందరికీ తెలిసిందే. దీంతో ఈ అమ్మడుకు వరుస ఆఫర్లు క్యూ కట్టాయి. అలా వచ్చిన సినిమాలన్నింటిలో నటించి మెప్పించింది. బట్ టాలీవుడ్‌లో అంతగా నిలదొక్కుకోలేదు. ఇక చేసేదేమి లేక బాలీవుడ్‌కి చెక్కేసింది. కానీ అక్కడ వరుస సినిమాలు, లేడీ ఓరియేంటెడ్ మూవీలతో స్టార్ హీరోయిన్‌గా దూసుకుపోతోంది. ఈ క్రమంలో ఈ బ్యూటీకి సంబంధించిన ఓ న్యూస్ నెట్టింట వైరల్ అవుతోంది.
ప్రస్తుతం తాప్సీ నటిస్తున్న లేటెస్ట్ సినిమా ‘కాంధారి’. దీనిని దేవాశిష్ మఖిజ తెరకెక్కిస్తుండగా.. కథా పిక్చర్స్ బ్యానర్ పై నిర్మిస్తున్నారు. అయితే ఈ చిత్రంలో ఈ బ్యూటీ ఎలాంటి డూప్ లేకుండా సొంతంగా యాక్షన్ సన్నివేశాల్లో పాల్గొన్నట్లు సమాచారం. కిడ్నాప్ అయిన తన కూతుర్ని కాపాడేందుకు ఓ తల్లి చేసే పోరాటం ఆధారంగా ఈ సినిమాను రూపొందిస్తున్నారు. ఇక ఈ సినిమాలో తాప్సీ ఫస్ట్ టైం ఓ తల్లి పాత్రలో కనిపించనుంది. కాగా త్వరలోనే ఈ మూవీ రిలీజ్ డేట్‌ను ప్రకటించనున్నారు. మరి ఈ సినిమాతో తాప్సీ ఎలాంటి స్టార్ డమ్ క్రియేట్ చేసుకుంటుందో తెలియాలంటే చిత్రం రిలీజ్ అయ్యే వరకు వెయిట్ చేయాల్సిందే.
