అతన్ని గట్టిగా హగ్ చేసుకున్న ఫొటోను షేర్ చేసిన సమంత.. అరె అరె అరే అంటూ ఇంట్రెస్టింగ్ పోస్ట్
దిశ, సినిమా: స్టార్ హీరోయిన్ సమంత(Samantha) గురించి ప్రత్యేకంగా చెప్పాల్సిన పని లేదు. ఈ బ్యూటీ ‘ఏమాయ చేసావే’(Ye maya Chesave) సినిమాతో టాలీవుడ్ ఇండస్ట్రీకి ఎంట్రీ ఇచ్చింది. ఇక ఈ సినిమాలోని తన నటనతో ప్రేక్షకుల్లో మంచి గుర్తింపు సంపాదించుకున్నది. దీంతో ఈ అమ్మడుకు వరుస ఆఫర్లు క్యూ కట్టాయి. అలా వచ్చిన అవకాశాలన్నింటినీ సద్వినియోగం చేసుకుంటూ స్టార్ హీరోయిన్ రేంజ్‌కు ఎదిగింది. అయితే హీరో అక్కినేని నాగచైతన్య(Naga chaitanya)తో ప్రేమలో పడింది. అలా కొన్నేళ్లు ప్రేమించుకున్న వీరు పెద్దల నొప్పించి పెళ్లి కూడా చేసుకున్నారు. కానీ, మనస్పర్థలు రావడంతో విడాకులు తీసుకొని దూరంగా ఉంటున్నారు.
డివోర్స్ తర్వాత సామ్ మయోసైటీస్(Myositis) అనే వ్యాధి బారిన పడడంతో సినిమాలకు బ్రేక్ ఇచ్చి.. హెల్త్ పై ఫోకస్ పెట్టింది. అలా ఏడాది పాటు సినిమాలకు దూరంగా ఉన్న ఈ భామ తాజాగా ‘సిటాడెల్: హనీ బన్నీ’(Citadel: Honey Bunny) అనే వెబ్ సిరీస్‌తో మన ముందుకు రావడానికి సిద్ధంగా ఉన్నది. ‘ఫ్యామిలీ మ్యాన్-2’(Family man 2) ఫేమ్ అయినటువంటి రాజ్ అండ్ డీకే(Raj& DK) రూపొందించిన ఈ సిరీస్‌లో బాలీవుడ్ యంగ్ హీరో వరుణ్ ధావన్(Varun Dhawan) కథానాయకుడిగా నటిస్తున్నాడు. ఇక ఈ సిరీస్ భారీ అంచనాల నడుమ నవంబర్ 7నుంచి అమోజాన్ ప్రైమ్‌(Amazon Prime)లో స్ట్రీమింగ్ కానుంది.
ఇదిలా ఉంటే.. తాజాగా సామ్ తన ఇన్‌స్టా(Instagram) వేదికగా ఓ పోస్ట్ షేర్ చేసింది. అందులో వరుణ్ ధావన్ ఒడిలో కూర్చొని అతన్ని గట్టిగా హగ్ చేసుకుంటూ తన తలతో అతని తలపై హిట్ ఇచ్చినట్టు ఫొటో‌కు స్టిల్ ఇచ్చింది. అంతేకాకుండా దానికి ‘ఈగ’(Eega) మూవీలోని అరె అరె అరే అనే సాంగ్‌ను కూడా యాడ్ చేసి ఈ పాట లిరిక్స్‌ను క్యాప్షన్‌గా రాసుకొచ్చింది. ప్రస్తుతం ఈ పోస్ట్ నెట్టింట వైరల్‌గా మారగా.. నెటిజన్లు రకరకాలుగా కామెంట్స్ చేస్తున్నారు.
(video link credits to samantha instagram id)
