మరోసారి ఊరమాస్ సాంగ్‌లో సమంత

దిశ, సినిమా : స్టార్ హీరోయిన్ సమంత పాపులారిటీ గురించి ప్రత్యేకంగా చెప్పాల్సిన పనిలేదు. ఓరామాక్స్ సంస్థ రీసెంట్ సర్వే ప్రకారం.. ఇండియాలోని మోస్ట్ పాపులర్ హీరోయిన్ల లిస్టులో సమంత టాప్ ప్లేస్ దక్కించుకున్నట్లు తెలుస్తోంది. అల్లు అర్జున్‌తో 'పుష్ప' సినిమాలో చేసిన ఒక్క పాటతోనే ఆమె ఓ రేంజ్‌లో పాపులర్ అయ్యారంటే అతిశయోక్తి కాదు. నిజం చెప్పాలంటే సామ్ తన కెరీర్‌లో చేసిన సినిమాలన్నీ ఒకఎత్తు అయితే.. ఈ ఒక్క పాట మరో ఎత్తు. ఇంతటి సూపర్ క్రేజ్ సంపాదించిన సమంత మరోసారి ఇలాంటి పాటలో కనిపించనుందని వార్తలు వినిపిస్తున్నాయి. పాన్ ఇండియా స్థాయిలో రూపొందుతున్న తన అప్‌కమింగ్ మూవీ 'యశోద' కోసం ఇదే తరహా పాటలో ఆడిపాడనుంది. ఇందుకు సంబంధించిన షూటింగ్ హైదరాబాద్‌లో వేసిన ఓ స్పెషల్ సెట్‌లో జరుగుతోందని, మణిశర్మ సూపర్ మ్యూజిక్ అందించారని ఇండస్ట్రీ వర్గాల టాక్. అంతేకాదు ఈ పాట 'ఊ అంటావా'కు మించిన విధంగా ఉండనుందని చెబుతున్నారు.