Pawan Kalyan : పవన్ కళ్యాణ్ అభిమానులకు అదిరిపోయే అప్డేట్ ఇచ్చిన నిర్మాత

దిశ, వెబ్ డెస్క్ : పవర్ స్టార్ పవన్ కళ్యాణ్(Pawan Kalyan) ఫాన్స్ పండగ చేసుకునే అప్డేట్ బయటికి వచ్చింది. తెలుగు అగ్ర దర్శకుడు సురేందర్ రెడ్డి(Surender Reddy), పవన్ కళ్యాణ్ కాంబినేషన్లో ప్రకటించిన సినిమా అప్డేట్ సంగతి ఆ సినిమా నిర్మాత రామ్ తాళ్ళూరి వెల్లడించారు. పవన్ కళ్యాణ్ రాజకీయాల్లో బిజీగా ఉండటంతో ఈ ప్రాజెక్ట్ ఆగిపోయిందనే రూమర్స్ వినిపిస్తున్నాయి. ఈ సినిమాపై రామ్ తాళ్ళూరి ఓ ఇంటర్వ్యూలో మాట్లాడారు. పవన్ కళ్యాణ్ కోసం సురేందర్ రెడ్డి ప్రత్యేకంగా కథ రాసుకున్నారని.. అది 'కిక్', 'రేసుగుర్రం' వంటి మాస్ ఎంటర్టైన్మెంట్ సినిమా అన్నారు. ఇటు సురేందర్ రెడ్డికి, అటు పవన్ కళ్యాణ్ కు వేరే ప్రాజెక్ట్స్ ఉండటం వలన ఇది పట్టాలెక్కడం లేటయిందని అన్నారు. తప్పకుండా వారిద్దరి కాంబినేషన్లో ఓ చిత్రం ఉంటుందని రామ్ కన్ఫర్మ్ చేశారు. దీంతో పవన్ అభిమానులు పండగ చేసుకుంటున్నారు.