BJP కి కొత్త నిర్వచనం చెప్పిన మంత్రి హరీశ్ రావు
దిశ ప్రతినిధి, సంగారెడ్డి: BJP అంటే భారతీయ జూటా పార్టీ అని, ఆ పార్టీ పట్ల అందరూ అప్రమత్తంగా ఉండాలని రాష్ట్ర వైద్య, ఆరోగ్యశాఖ మంత్రి తన్నీరు హరీశ్ రాష్ట్ర ప్రజలకు సూచించారు. ప్రధాన మంత్రి నరేంద్రమోడీ సారథ్యంలోని బీజేపీ ప్రభుత్వ అసమర్థ పాలనతో దేశంలో విద్యుత్సంక్షోభం నెలకొన్నప్పటికీ.. సీఎం కేసీఆర్పాలనలో తెలంగాణలో నిరంతర వెలుగులు విరజిమ్ముతున్నాయని అన్నారు. శుక్రవారం సంగారెడ్డి జిల్లా పటాన్చెరు పట్టణంలో దళిత బంధు లబ్ధిదారులకు వాహనాలు, ఇతర యూనిట్లను అందించారు. ఈ సందర్భంగా జరిగిన బహిరంగ సభలో మంత్రి ప్రసంగించారు. రైతులకు నాణ్యమైన ఉచిత విద్యుత్, పరిశ్రమలు, ఇతర అవసరాలకు 24 గంటల విద్యుత్ సరఫరా కోసం రూ.20 యూనిట్చొప్పున ఖర్చుపెట్టి ఒక్క మార్చి నెలలోనే రూ.1200 కోట్ల విద్యుత్కొనుగోలు చేసినట్లు వెల్లడించారు. తెలంగాణ రాష్ట్రం ఏర్పడిన రోజున కేవలం 7,778 మెగావాట్ల విద్యుత్ ఉత్పత్తి ఉండేదని, ఇప్పుడు ఆ సంఖ్య 17,305 మెగావాట్లకు పెరిగిందన్నారు. ఏడాదిలోగా యాదాద్రి, ఆరునెలల్లో ఎన్టీపీసీ విద్యుత్ ప్రాజెక్టులు పూర్తకానున్నాయని దీనితో మరో 5600 మెగావాట్ల విద్యుత్ అదనంగా ఉత్పత్తి కానున్నదని చెప్పారు.
ప్రధానమంత్రి నరేంద్రమోడీ సొంత రాష్ట్రం గుజరాత్సహాతమిళనాడు, ఛత్తీస్గఢ్, రాజస్థాన్, బీహార్, ఉత్తరాఖాండ్, పంజాబ్‌లో కరెంట్కోతలు కొనసాగుతున్నాయని తెలిపారు. గుజరాత్‌లో వారంలో ఒకరోజు పరిశ్రమలకు పవర్హాలీడే ప్రకటించారు. పక్కనే ఉన్న ఆంధ్రప్రదేశ్‌లో కూడా 6 నుంచి 8 గంటల విద్యుత్కోతలు విధిస్తున్నారని మంత్రి చెప్పారు. తెలంగాణలో మాత్రం పరిశ్రమలకు 24 గంటల కరెంట్ సరఫరా అవుతున్నదని, దీనితో కార్మికులు ఓటీలు చేసుకుని సంతోషంగా ఉన్నారన్నారు. ఉమ్మడి రాష్ట్రంలో విద్యుత్కోతలతో పటాన్చెరు ప్రాంతంలోని పరిశ్రమల్లో పనిచేసే కార్మికులు రోడ్డున పడ్డారని గుర్తుచేశారు. దేశంలో విద్యుత్ సంక్షోభంపై బీజేపీ నేతలు ఏం సమాధానం చెబుతారని ప్రశ్నించారు. కేంద్రంలోని బీజేపీ సర్కారు ఒక్క మంచి పనిచేయడం లేదని విమర్శించారు. యూపీఏ హయాంలో రూ.400 ఉన్న గ్యాస్ధరను వెయ్యికి పెంచారు, 8.5 శాతంగా ఉన్న ఈపీఎఫ్‌ను 8.1 శాతానికి తగ్గించారు. గడచిన 11 రోజుల్లో 9 రోజులు పెట్రోల్ధర పెంచి రూ.110 దాటించారని మండిపడ్డారు. ఉత్పత్తి సామర్థ్యం ఉన్నప్పటికీ బీజేపీకి ముందు చూపులేకపోవడంతోనే ఈ పరిస్థితులు నెలకొన్నాయన్నారు. దేశంలో 2 లక్షల మెగావాట్ల డిమాండ్ఉండే ఉత్పత్తి సామర్థ్యం 3.95లక్షల మెగావాట్ల వరకు ఉన్నదని వెల్లడించారు.
దళిత బంధుతో పేద కుటుంబాల్లో వెలుగులు..
రాష్ట్ర ప్రభుత్వం ప్రతిష్టాత్మకంగా చేపట్టిన దళిత బంధుతో పేద కుటుంబాల్లో వెలుగులు నిండుతున్నాయని మంత్రి హరీశ్ రావు అన్నారు. పటాన్చెరు నియోజకవర్గంలో 100 మంది లబ్దిదారులకు యూనిట్లను పంపిణీ చేశారు. నేరుగా రూ.10 లక్షలకు ఓ పేద కుటుంబానికి అందిస్తున్న ఇలాంటి పథకం ప్రపంచంలో ఎక్కడా లేదన్నారు. గతంలో దళితులకు రుణాలు ఇస్తే ఆస్తులు తాకట్టు పెట్టుకునేవారని గుర్తు చేశారు. ఈ పథకం ద్వారా ఒక్క రూపాయి తిరిగి చెల్లించకుండా పూర్తిగా గ్రాంట్కింద అందిస్తున్నట్లు వెల్లడించారు. మొదటగా దళితులకు అందిస్తున్నామని, విడతల వారీగా ఇతరులకు ప్రభుత్వం ఇస్తుందని చెప్పారు. దళితుల సంక్షేమం విషయంలో దేశానికే తెలంగాణ రోల్మోడల్అని అన్నారు. ఈ ఏడాది ముగిసే నాటికి రాష్ట్రంలో విడతల వారిగా 2 లక్షల మంది దళిత కుటుంబాలకు దళిత బంధు అందిస్తామని వెల్లడించారు. ఈ సమావేశంలో ఎమ్మెల్యే మహిపాల్రెడ్డి, మాజీ ఎమ్మెల్సీ భూపాల్రెడ్డి, కలెక్టర్హనుమంతరావు, కార్పొరేటర్లు సిందూ ఆదర్శరెడ్డి, పుష్పా నగేష్యాదవ్, ప్రజా ప్రతినిధులు, టీఆర్ఎస్ నాయకులు పాల్గొన్నారు.
