బార్‌లో దూరిన కంగారూ.. దాన్ని చూసి అంతా కంగారు..?! (వీడియో)
దిశ, వెబ్‌డెస్క్ః అసాధార‌ణ‌మైన‌వి ఏవైనా ఆస‌క్తిని క‌లిగిస్తాయి. కంగారుల‌కు కేరాఫ్ అయిన ఆస్ట్రేలియాలో ఇలాంటివి మామూలే అయినా ప్ర‌పంచంలో మిగిలిన ప్ర‌జ‌ల‌కు ఇది కాస్త ఆశ్చ‌ర్యమే! విష‌యం ఏంటంటే, ఆస్ట్రేలియాలోని ఓ బార్‌లోకి కంగారూ క్యాజువల్‌గా షికారు చేస్తూ వ‌చ్చింది. ఇన్‌స్టాగ్రామ్‌లో పోస్ట్ చేసిన ఈ వీడియో ఇప్పుడు వైర‌ల్‌గా మారింది. ఓ బార్‌లో దూరిన భారీ కంగారూ ఒక త‌లుపు నుండి లోప‌ల‌కి వ‌చ్చి చాలా సాధార‌ణంగా మ‌రో త‌లుపులో నుండి బ‌య‌ట‌కు వెళ్లిపోతుంది. కంగారూని చూసిన జ‌నం ఎవ‌రో మ‌నిషి వ‌స్తే అడ్డం త‌ప్పుకున్న‌ట్లే, పెద్ద‌గా ఆశ్చ‌ర్యం వ్య‌క్తం చేయ‌కుండా దానికి దారి ఇస్తారంతే. అందులో ఒక చిన్న పాప క‌నీసం భ‌య‌ప‌డిన‌ట్లు కూడా క‌నిపించ‌క‌పోవ‌డం విశేషం. "అనుకోని సందర్శకుడు!" అనే క్యాప్షన్‌తో ఈ వీడియోను Australian.animals ఇన్‌స్టాగ్రామ్‌లో పోస్ట్ చేశారు. "పశ్చిమ ఆస్ట్రేలియాలో మాత్రమే" ఇలాంటి సంఘ‌ట‌న‌లు స‌ర్వ‌సాధార‌ణ‌మంట! మ‌న‌కేమో భ‌లే అనిపిస్తుంది. మీరూ చూడండి..
