Subodh Kant Sahai: ప్రధాని మోడీ అలానే చనిపోతాడు: మాజీ కేంద్రమంత్రి సంచలన వ్యాఖ్యలు
దిశ, వెబ్‌డెస్క్: Modi Will Die Like Hitler, says Former Central Minister Subodh Kant Sahai| కేంద్ర ప్రభుత్వం ఇటీవల సైనిక నియమాకాల కోసం తీసుకువచ్చిన అగ్నిపథ్ స్కీమ్‌కు వ్యతిరేకంగా దేశవ్యాప్తంగా నిరననలు వెల్లువెత్తుతున్నాయి. ఆర్మీ అభ్యర్థులు రోడ్లపైకి వచ్చి తీవ్ర ఆందోళనలు చేస్తున్నారు. కేంద్ర నిర్ణయంపై ప్రతిపక్షాలు విమర్శలు గుప్పిస్తున్నాయి. అగ్నిపథ్ స్కీమ్‌కు వ్యతిరేకంగా కాంగ్రెస్ ఢిల్లీలోని జంతర్ మంతర్ వద్ద 'సత్యాగ్రహ' దీక్ష చేపట్టింది. ఈ దీక్షలో పాల్గొన్న కాంగ్రెస్ నేత, మాజీ కేంద్ర మంత్రి సుబోధ్ కాంత్ సహాయ్ ప్రధాని మోడీపై సంచలన వ్యాఖ్యలు చేశారు. ఆయన మాట్లాడుతూ.. ప్రధాని మోడీ జర్మన్ నియంత హిట్లర్ బాటలో నడిస్తే.. చివరకు హిట్లర్‌లానే చనిపోతాడని షాకింగ్ కామెంట్స్ చేశారు. ఈ విషయాన్ని ఆయన గుర్తుంచుకోవాలని వివాదస్పద వ్యాఖ్యలు చేశారు. అంతేకాకుండా బీజేపీది దోపిడిదారుల ప్రభుత్వమని.. మోడీ రింగ్ మాస్టర్‌లా వ్యవహరిస్తున్నాడు అని మండిపడ్డారు. ఇదిలా ఉంటే, ప్రధాని మోడీపై చేసిన అనుచిత వ్యాఖ్యలను సమర్థించబోమని కాంగ్రెస్ ప్రకటించింది.
