అల్లు అర్జున్‌కి తన మామయ్య ఘన సత్కారం.. ఎందుకంటే ?
దిశ, వెబ్‌డెస్క్ : ఐకాన్ స్టార్ అల్లు అర్జున్ హీరోగా, సుకుమార్ దర్శకత్వంలో వచ్చిన పుష్ప సినిమా బాక్సాఫీస్ వద్ద సంచలన విజయం సాధించిన విషయం తెలిసిందే. ఇక ఈ మధ్య కాలంలో ఏ సినిమాకు లేని క్రేజీ ఈ సినిమా సంపాదించుకుంది. ఇక బాలీవుడ్‌లో 100 కోట్ల మార్క్ దాటడంతో బన్నీ ఒక్కసారిగా అక్కడ స్టార్ హీరోగా ఎదిగిపోయాడు. దీంతో టాలీవుడ్ నుంచి ఎంతో మంది ప్రముఖులు అల్లు అర్జున్‌ను అభినందిస్తున్నారు.
ఇదిలా ఉంటే, అల్లు అర్జున్ మామ, డాక్టర్ కంచర్ల చంద్ర శేఖర్ రెడ్డి నిన్న రాత్రి హయత్ హోటల్‌లో విలాసవంతమైన పార్టీని ఏర్పాటు చేసి, పుష్ప సినిమా విజయాన్ని గ్రాండ్‌గా సెలబ్రేట్ చేసుకున్నారు. పుష్ప రాజ్‌గా తన అద్భుతమైన నటనతో అన్ని వర్గాల ప్రేక్షకుల నుంచి ఎంతో ప్రేమను అదుకున్న తన అల్లుడు బన్నీని ఘనంగా సత్కరించాడు. అంతే కాకుండా ఈ పార్టీకి మెగాస్టార్ చిరంజీవి, సురేఖ, అల్లు అరవింద్ దంపతులు, అల్లు స్నేహ, త్రివిక్రమ్ శ్రీనివాస్, క్రిష్ జాగర్లమూడి, హరీష్ శంకర్, గుణశేఖర్, సుబ్బిరామి రెడ్డి, భాను ప్రకాష్ ఐఏఎస్, అల్లు అర్జున్ ఫ్యాన్స్ అధ్యక్షుడు గడ్డం రవికుమార్ హాజరయ్యారు. అల్లు అర్జున్ బ్లాక్ సూట్‌లో కనిపిస్తుండగా, స్నేహ నిగనిగలాడే మ్యాక్సీలో అద్భుతంగా కనిపిస్తోంది. ప్రస్తుతం ఇందుకు సంబంధించిన ఫోటోలు సోషల్ మీడియాలో నెటిజన్లను ఆకట్టుకుంటున్నాయి.
