ఆయన మళ్లీ ఏం చేస్తాడోనని భయంగా ఉంది.. హాలీవుడ్ స్టార్

దిశ, సినిమా: హాలీవుడ్ స్టార్ అంబర్ హర్డ్ నటుడు, మాజీ భర్త జానీ డెప్‌ వేసిన పరువు నష్టం విచారణలో ఓడిపోయిన తర్వాత మొదటి ఇంటర్వ్యూకి హాజరైంది. ఈ సందర్భంగా ఓ ప్రముఖ చానెల్‌తో మాట్లాడుతూ.. భవిష్యత్తులో జానీ మరిన్ని పరువు నష్టం దావాలు వేయవచ్చని భయపడుతున్నట్లు వెల్లడించింది.

అలాగే వాక్ స్వతంత్రం ప్రాముఖ్యతను ప్రస్తావించిన అంబర్.. 'నేను మాట్లాడే హక్కుగా భావించిన ప్రతి విషయాన్ని నిర్భయంగా బయటపెడతా. అయితే ఇప్పుడు నేనేం చేసినా, ఎలా మాట్లాడినా.. జానీకి మరొక అవకాశాన్ని కల్పిస్తుందనే మౌనం వహిస్తున్నా' అంటూ చెప్పుకొచ్చింది. అలాగే కోర్టు వాంగ్మూలంలో తాను చెప్పిన ప్రతి మాటకు కట్టుబడి ఉన్నానని, అన్ని నిజాలే మాట్లాడానని పేర్కొన్న అంబర్.. జ్యూరీ నిర్ణయాన్ని పై స్థాయి కోర్టులో అప్పీల్ చేయాలని ప్లాన్ చేస్తున్నట్లు సమాచారం.