రిలీజ్ కష్టాలు పడుతున్న అఖిల్ అక్కినేని.. ఎప్పుడో ఏంటో..

దిశ,సినిమా: అఖిల్ అక్కినేని కెరీర్ మొదలు పెట్టి ఆరేళ్లు దాటినా ఒక్క బ్లాక్ బస్టర్ హిట్ కూడా ఖాతాలో వేసుకోలేకపోయాడు. 'మోస్ట్ ఎలిజిబుల్ బ్యాచిలర్' హిట్ అయ్యింది కానీ.. మరీ చెప్పుకునే స్థాయిలో లేకుండా పోయింది. దీంతో అక్కినేని అభిమానులు 'ఏజెంట్' సినిమాపైనే ఆశలు పెట్టుకున్నారు.. దర్శకుడు సురేందర్ రెడ్డి నిర్మిస్తున్న ఈ చిత్రంలో అఖిల్ చాలా కొత్తగా కనిపించనున్నాడు.

సిక్స్ ప్యాక్‌తో పాటు బాడీ మీద స్పెషల్ ఫోకస్ పెట్టి కండలు తిరిగిన శరీరంతో పూర్తిగా మారిపోయాడు. ఇదిలా ఉండగా అసలు విడుదలెప్పుడన్నది ప్రశ్నార్థకం? గతంలో ఆగస్టు 12న విడుదల అని అఫీషియల్‌గా ప్రకటించారు కానీ ఇప్పుడు ఆ డేట్‌లో మార్పులు వచ్చాయి.లేటెస్ట్ అప్ డేట్ ప్రకారం దసరాకు విడుదల కానుంది కానీ సెప్టెంబర్ చివరి వారం ఇంకో ఆప్షన్ కూడా ఉన్నప్పటికీ.. అదే టైంలో మణిరత్నం మల్టీస్టారర్ పొన్నియన్ సెల్వన్ పార్ట్ 1 విడుదల కూడా ఉంది. అదే సీజన్ లో చిరంజీవి 'గాడ్ ఫాదర్', బాలకృష్ణ-గోపీచంద్ మలినేని సినిమాలు కుడా రాబోతున్నాయి. అందుకే అక్టోబర్ ఫస్ట్ వీక్ బెటర్ అని మూవీ మేకర్స్ అభిప్రాయపడ్డారు.