తొందరపడొద్దు మళ్లీ అధికారం మనదే: సీఎం కేసీఆర్

దిశ, వెబ్‌డెస్క్: బీఆర్ఎస్ అభ్యర్థులతో తెలంగాణ భవన్‌లో సమావేశమైన సీఎం కేసీఆర్ కీలక వ్యాఖ్యలు చేశారు. ఈ సందర్భంగా మాట్లాడుతూ.. అభ్యర్థులు ఎవరూ తొందరపడొద్దని మళ్లీ అధికారంలోకి మనమే రాబోతున్నామని చెప్పారు. అభ్యర్థులు ఏమాత్రం నిర్లక్ష్యం చేయొద్దని.. ప్రతీ కార్యకర్తను కలవాలని సూచించారు. సాంకేతికంగా, ఆర్థికంగా మనల్ని విపక్షాలు దెబ్బతీయాలని చూస్తున్నాయని, ఎప్పటికప్పుడు అభ్యర్థులు, పార్టీ శ్రేణులు అప్రమత్తంగా ఉండాలని ఆదేశించారు. అభ్యర్థులు కోపతాపాలను పక్కన పెట్టాలని.. అందరూ సహనంతో ఉండాలని ఏదైనా న్యాయ సలహాల కోసం న్యాయవాది, తెలంగాణ డైరీ కార్పొరేషన్ చైర్మన్ భరత్ కుమార్ సోమ నెంబర్‌కు 9848023175 నెంబర్‌కు సంప్రదించాలని అభ్యర్థులను సూచించారు. ప్రస్తుతం 51 బీఫామ్‌లు మాత్రమే అందజేయనుండగా.. మిగతావి రానున్న రెండ్రోజుల్లో అందజేస్తామని సీఎం వెల్లడించారు.