అకాల వర్షం.. పంటలు ఆగం

దిశ,కన్నాయిగూడెం : మండలంలో అకాల వర్షం శుక్రవారం ఉదయం 5:30 గంటలకు మొదలుకొని 6:30 వరకు గంట పాటు ఎడతెరిపి లేకుండా వర్షం కురిసింది. దీంతో మండలంలోని పలు గ్రామాల్లో వరి,మిర్చి తదితర పంటలు ఆరుగాలం కష్టపడి పండించిన పంటలు చేతికి వచ్చే సమయంలో అకాల వర్షంతో నేలపాలు కావడంతో రైతులు బోరుమంటున్నారు.మండలం లోని బుట్టాయిగూడెం,ముప్పనపల్లి, ఏటూరు,లక్ష్మిపురం గ్రామాలలోని వరి, మిర్చి పంటలు నెల రాలి లక్షలలో నష్టం వాటిల్లిందని రైతులు ఆవేదన చెందుతున్నారు. అకాల వర్షం పడడంతో పంట నష్టపోయిన రైతులకు ప్రభుత్వం ఆదుకొని ఎకరాకు రూ.20 వేల చొప్పున ప్రభుత్వం నష్టపరిహారం చెల్లించాలని మండలంలోని రైతులు, రైతు సంఘాలు డిమాండ్ చేస్తున్నాయి.