తొమ్మిదేళ్ల‌లో బీఆర్ఎస్ ఏం చేయ‌లే.. హనుమాండ్ల ఝాన్సీ రెడ్డి

దిశ, తొర్రూరు : తొమ్మిద‌న్న‌రేళ్లు రాష్ట్రాన్ని పాలించిన బీఆర్ఎస్ ఎక్క‌డా అభివృద్ధి చేయ‌లేద‌ని టీపీసీసీ నాయ‌కురాలు హ‌నుమాండ్ల ఝాన్సీరెడ్డి అన్నారు. గడపగడపకు కాంగ్రెస్ - పల్లె పల్లెకు ఝాన్సమ్మ కార్యక్రమంలో భాగంగా శ‌నివారం మ‌హ‌బూబాబాద్ జిల్లా తొర్రూరు మండ‌లం ఫతేపురం గ్రామంలో ఝాన్సీరెడ్డి ప్ర‌చారం నిర్వ‌హించారు.

ఈ సందర్భంగా ఆమె మాట్లాడుతూ కాళేశ్వరం ప్రాజెక్టు పేరుతో వేల కోట్ల అవినీతి జ‌రిగింద‌ని అన్నారు. ప్రాజెక్టు పేరుతో కేటీఆర్, కేసీఆర్ కుటుంబాలు సొంత ఖ‌జ‌నా నింపుకున్నార‌ని అన్నారు. రాబోయే ఎన్నిక‌ల్లో ఎర్ర‌బెల్లి ద‌యాక‌ర్‌రావుకు కాంగ్రెస్ పార్టీ చేతిలో ఓట‌మి త‌ప్ప‌ద‌ని అన్నారు. కాంగ్రెస్ పార్టీ కార్యకర్తలు బూత్ స్థాయి నుండి ఒక సైనికుడిలా ప‌నిచేయాల‌ని అన్నారు. అనంతరం గ్రామంలో ప్రతిష్టించిన దుర్గామాత ఆలయంలో ప్రత్యేక పూజ‌లు చేసి, గ్రామంలో భారీ ర్యాలీ నిర్వహించారు.