ఇటికలపల్లి లో కార్డన్ సెర్చ్.. 44 టు వీలర్లు, 10 ఆటోలు స్వాధీనం
దిశ, నర్సంపేట: నర్సంపేట మండలంలోని ఇటుకాలపల్లి గ్రామంలో పోలీసులు కార్డన్ సెర్చ్ చేశారు. సోమవారం ఉదయాన్నే గ్రామానికి చేరుకున్న పోలీసులు గ్రామంలోని ప్రతి ఇంటిని జల్లెడ పట్టారు. సరైన పత్రాలు లేని ద్విచక్ర వాహనాలు, ఆటోలను స్వాధీనం చేసుకున్నారు. 10 లీటర్ల గుడుంబా పట్టుబడినట్లు పోలీసులు తెలిపారు. అనంతరం ఏసీపీ కిరణ్ కుమార్ ఆధ్వర్యంలో గ్రామస్తులను సమావేశపరిచారు. సైబర్ క్రైమ్ పై అవగాహన కార్యక్రమం ఏర్పాటు చేశారు. గుర్తు తెలియని వ్యక్తులు చేసే కాల్స్‌కి స్పందించవద్దని ఏసీపీ తెలిపారు. ఓటీపీ చెప్పడం వల్ల జరిగే అనర్థాలను వివరించారు. గంజాయి సేవించడం వల్ల యువతలో వచ్చే మార్పులను, నష్టాలను కూలంకషంగా తెలిపారు. గంజాయి వాడకానికి సంబంధించి ఎలాంటి సమాచారం ఉన్నా పోలీస్ స్టేషన్‌లో అందజేయాలని సూచించారు. 1930 నెంబర్ ప్రాముఖ్యత, కొత్త చట్టాలపై అవగాహన కల్పించారు. ఈ కార్యక్రమంలో నర్సంపేట ఏసీపీ కిరణ్ కుమార్, నర్సంపేట, దుగ్గొండి, నెక్కొండ సిఐలు,ఎక్సైజ్ సీఐ, నల్లబెల్లి, ఖానాపురం, నెక్కొండ ఎస్ఐలు, సిటీ గార్డ్ పోలీస్ సిబ్బంది,నర్సంపేట సబ్ డివిజన్ పోలీసులు పాల్గొన్నారు.
