Arrest : ఇద్దరు మావోయిస్టు దళ సభ్యుల అరెస్ట్

దిశ, మంగపేట : మండలంలోని బ్రాహ్మణపల్లి ఫారెస్ట్ చెక్ పోస్ట్ వద్ద ఇద్దరు మావోయిస్టు దళ సభ్యులను గురువారం ఉదయం 5 గంటలకు అరెస్టు చేసినట్లు ఎస్సై టీవీఆర్ సూరి తెలిపారు. ఎస్సై తెలిపిన వివరాల ప్రకారం.. మావోయిస్టు అగ్రనేత దామోదర్ దళ సభ్యులను హాస్పిటల్ కి తీసుకెళ్లే క్రమంలో అందిన పక్కా సమాచారం మేరకు మావోయిస్టు దళ సభ్యులు కడాతి కమల అలియాస్ లక్ష్మీ, కొరియర్ వోయం మంగ్లులను అదుపులోకి తీసుకున్నట్లు తెలిపారు. ఛత్తీస్ ఘఢ్ బీజాపూర్ జిల్లాకు చెందిన వారిగా తెలిపారు.

కడతి కమల@లక్ష్మి, పార్టీ కొరియర్ వొయం మంగ్లు లు ఉదయం సుమారు 5 గంటల సమయంలో మణుగూరు నుండి ఏటూరునాగారం వైపు వస్తున్నారనే నమ్మదగిన సమాచారం మేరకు సిబ్బందితో పాటు బాంబు స్క్వాడ్, క్లూస్ టీం బ్రాహ్మణపల్లి ఫారెస్ట్ చెక్ పోస్ట్ వద్ద అనుమానాస్పదంగా సంచరిస్తూ పోలీసులను చూసి పారిపోవడానికి ప్రయత్నించగా అప్రమత్తమై వారిని పట్టుకుని తనిఖీ చేశారు. తెలుపు రంగు సంచిలో పేలుడు సామాగ్రి, విప్లవ సాహిత్యం(ప్రజా విముక్తి మ్యాగజైన్), డిటోనేటర్లు, కార్ డెక్స్ వైర్ 5 మీటర్లు, జిలిటెన్ స్టిక్స్, పెద్ద బ్యాటరీ సేల్స్, పెన్ డ్రైవ్, స్మార్ట్ మొబైల్స్ లభించినట్లు ఎస్సై టీవీఆర్ సూరి తెలిపారు. వారిని అరెస్టు చేసి కోర్టుకు పంపినట్లు తెలిపారు.