RGV: రామ్ గోపాల్ వర్మ కోసం రెండు రాష్ట్రాల్లో గాలింపు

దిశ, వెబ్‌డెస్క్: సెన్సేషనల్ డైరెక్టర్ రామ్ గోపాల్ వర్మ(Ram Gopal Varma) కోసం ఆంధ్రప్రదేశ్‌లోని ప్రకాశం జిల్లా పోలీసులు(AP Police) రెండు రాష్ట్రాల్లో విస్తృతంగా గాలిస్తున్నారు. ఒక బృందం హైదరాబాద్‌లోని రంగారెడ్డి జిల్లా శంషాబాద్‌లో గాలిస్తుండగా.. మరో బృందం తమిళనాడులోని కోయంబత్తూరులో గాలిస్తోంది. ఈనెల 23వ తేదీన కోయంబత్తూరులో సినిమా షూటింగ్‌లో పాల్గొన్నట్లు సోషల్ మీడియాలో ఆర్జీవీ(RGV) పోస్టు పెట్టారు. దీంతో ప్రకాశం జిల్లా ఎస్పీ కోయంబత్తూరు పోలీసుల సహకారం తీసుకొని గాలిస్తున్నారు. కాగా, ఇప్పటికే రామ్ గోపాల్ వర్మకు పోలీసులు రెండు సార్లు నోటీసులు ఇచ్చారు. రెండు సార్లూ ఆయన డుమ్మా కొట్టారు. దీంతో సోమవారం ఉదయం హైదరాబాద్‌లోని ఆయన నివాసానికి ప్రకాశం పోలీసులు వచ్చారు. ఇంట్లో లేరని సిబ్బంది తెలపడంతో ఆయన కోసం రెండ్రోజులుగా గాలిస్తున్నారు.