న్యాయ వ్యవస్థలోనే సామాజిక న్యాయం లేదు.. అక్కడ కూడా 79% అగ్రవర్ణాలకే రిజర్వ్

దిశ, డైనమిక్ బ్యూరో : ఉన్నత న్యాయస్థానాల్లో న్యాయమూర్తుల నియామకాలకు సంబంధించి కేంద్ర పార్లమెంటరీ స్టాండింగ్ కమిటీ ముందు న్యాయ మంత్రిత్వ శాఖ దిగ్భ్రాంతికరమైన గణాంకాలను వెల్లడించింది. గత ఐదేళ్లుగా (2018-2022) అగ్రవర్ణాలకు చెందిన వారికే రిజర్వేషన్లు చేయబడుతున్నాయి. దేశంలోని 25 హైకోర్టుల్లో నియామకాల్లో 79% అగ్రవర్ణాల వారే కావడం అందరినీ విస్మయానికి గురిచేస్తోంది. రాజ్యాంగ న్యాయస్థానాలలో బెంచ్‌లు, సీట్ల నియామకాలలో 11% కంటే తక్కువగా ఉన్న దేశ జనాభాలో 35% కంటే ఎక్కువ ఉన్న ఓబీసీల నియామకాలలో వివక్ష చూపిస్తుందని వెల్లడించింది. ఈ వివక్షకు సంబంధించిన మరో అంశం ఏమిటంటే, 2018 నుండి హైకోర్టులకు నియమించబడిన మొత్తం 537 మంది న్యాయమూర్తులలో మైనారిటీ వర్గం నుండి కేవలం 2.6% మంది మాత్రమే నియమితులయ్యారు.

అంతేకాకుండా, న్యాయమూర్తుల నియామకానికి సంబంధించిన కొలీజియం వ్యవస్థ మూడు దశాబ్దాలుగా ఉనికిలో ఉన్నప్పటికీ, ఉన్నత న్యాయవ్యవస్థలో సామాజిక వైవిధ్యం ఉందని, దీనిని మొదట సుప్రీం రూపొందించిందని సూచించింది. ఈ నివేదికలపై బీఎస్పీ స్టేట్ చీఫ్ ఆర్ఎస్ ప్రవీణ్ కుమార్ ట్విట్టర్ వేదికగా స్పందించారు. '75 సంవత్సరాల స్వాతంత్ర్యం తరువాత కూడా...ఉన్నత న్యాయస్థానాల్లో 79% అగ్రవర్ణాలకే రిజర్వు చేయబడ్డది! అని పేర్కొన్నారు. న్యాయ వ్యవస్థలోనే సామాజిక న్యాయం లేకపోతే ఇక బయట ఎక్కడ దొరుకుతది అని విమర్శలు గుప్పించారు. రాజ్యసభలో కూడా ఇదే తంతు నడుస్తుందని మండిపడ్డారు. అందుకే బీఎస్పీ తెలంగాణ జనాభా నిష్పత్తి ప్రకారం అన్ని రంగాల్లో రిజర్వేషన్లు పెంచాలంటున్నది అని ట్విట్టర్ వేదికగా ఆర్ఎస్పీ ట్వీట్ చేశారు.