బయ్యారం ఫ్యాక్టరీపై కేసీఆర్, కేటీఆర్ మాటతప్పారు.. కేంద్రమంత్రి, టీ బీజేపీ చీఫ్ కిషన్ రెడ్డి

దిశ, వెబ్ డెస్క్: బయ్యారం స్టీల్ ప్లాంట్ విషయంలో కేసీఆర్, కేటీఆర్ మాటతప్పారని కేంద్రమంత్రి, బీజేపీ రాష్ట్ర అధ్యక్షుడు జి.కిషన్ రెడ్డి ఆరోపించారు. ఈ మేరకు ఆయన ట్వీట్ చేశారు. ట్వీట్ లో బయ్యారం స్టీల్ ఫ్యాక్టరీపై కేసీఆర్, కేటీఆర్ మాట్లాడిన వీడియోను షేర్ చేసిన ఆయన.. బయ్యారం స్టీల్ ఫ్యాక్టరీని ఏర్పాటు చేస్తామని ఫామ్ హౌజ్ ఫ్యామిలీ మాట ఇచ్చిందని అన్నారు.

బయ్యారం ఫ్యాక్టరీ ఏర్పాటుకు సంబంధించి అన్ని చర్యలు తీసుకోవాలని మీడియా ముందు సీఎం కేసీఆర్ అన్నారని తెలిపారు. అలాగే మంత్రి కేటీఆర్ కూడా బయ్యారం స్టీల్ ప్లాంట్ కట్టి తీరుతామని, 15 వేల మందికి ఉద్యోగాలు ఇస్తామని చెప్పారని తెలిపారు. కానీ ఇంతవరకు ఆ దిశగా అడుగులు పడలేదని విమర్శించారు.