MLA లాస్య నందిత కారు ప్రమాదంలో షాకింగ్ ట్విస్ట్

దిశ, రాచకొండ : ఎమ్మెల్యే లాస్య నందిత కారు ప్రమాదం ఘటనలో షాకింగ్ ట్విస్ట్ వెలుగు చూసింది. ఎమ్మెల్యే రోడ్డు ప్రమాదం శుక్రవారం ఉదయం 5.30 నుంచి 6 గంటల సమయం లో జరిగినట్లు సంగారెడ్డి పోలీసులు గుర్తించారు. కార్ స్పీడో మీటర్ 100 దగ్గర ఆగిందని పోలీసుల విచారణ లో స్పష్టమైంది. బాసర నుంచి హైదరాబాద్‌కు వస్తుండగా ఈ ప్రమాదం చోటుచేసుకన్నట్లు పోలీసులు ప్రాథమికంగా అంచనాకు వచ్చారు.

అయితే ఓఆర్ఆర్‌పై ప్రమాదం చోటుచేసుకున్న దగ్గర 500 మీటర్‌ల దూరం లోనే ఎమ్మెల్యే కార్ హెడ్ లైట్స్ కింద పడి ఉండడం, 500 మీటర్‌ల నుంచి బ్రేక్ వేసినట్లు రోడ్డు పై టైర్ మరకలు ఉండటాన్ని పోలీసులు గుర్తించారు. వెనకాల నుంచి గుర్తు తెలియని వాహనం గుద్ది ఉంటుందని అనుమానం ఉండగా, ఎమ్మెల్యే కారు నడిపిస్తున్న డ్రైవర్ ఆకాష్ ముందు ఉన్న కారును ఆకస్మాత్తుగా గుర్తించి దానిని తప్పించేందుకు బ్రేక్, లేదా హ్యాండ్ బ్రేక్ వేశాడా అనే అనుమానాలను పోలీసు వ్యక్తం చేస్తున్నారు.