‘రజాకర్’ మూవీ కాంట్రవర్సీ.. KTRకు రాజాసింగ్ స్పెషల్ ఇన్విటేషన్!
దిశ, వెబ్‌డెస్క్: ‘రజాకర్’ మూవీ టీజర్ తీవ్ర వివాదాస్పదమవుతున్న వేళ గోషామహల్ ఎమ్మెల్యే రాజాసింగ్ మంత్రి కేటీఆర్‌కు స్పెషల్ ఆఫర్ ఇచ్చారు. మీరు, మేము కలిసి రజాకర్ మూవీ చూద్దాం రండి అంటూ ఆహ్వానం పలికారు. టీజర్ కే భయపడి నిజాం వారసులు ఇష్టం వచ్చినట్లు మాట్లాడుతున్నారన్నారు. సెన్సార్ బోర్డుకి, పోలీసులకు లేఖ రాస్తామని బెదిరిస్తున్నారని తెలిపారు. మీర్ ఉస్మాన్ అలీ ఖాన్ అరాచకాల గురించి మీ నాన్న మీకు చెప్పలేదా అని ప్రశ్నించారు.
బీజేపీ జోకర్ కాదని, హీరో అన్నారు. మూవీ చూసి సినిమాపై డెసిషన్ తీసుకోవాలని కేటీఆర్‌కు సూచించారు. అయితే నిన్న ఈ సినిమా టీజర్ ను షేర్ చేసిన ఓ నెటిజన్ కేటీఆర్‌కు ట్యాగ్ చేశాడు. సినిమాలో శాంతి భద్రతలకు విఘాతం కలిగించేలా సీన్స్ ఉన్నాయని, రెండు వర్గాల మధ్య విద్వేషాలు పెంచేలా సినిమా తీశారన్నారు. దీనికి స్పందించిన మంత్రి కేటీఆర్ రాష్ట్రంలో తమ రాజకీయ ప్రచారం కోసం మత హింసను బీజేపీకి చెందిన కొంత మంది ప్రయత్నిస్తున్నారన్నారు. రాష్ట్రంలో శాంతి భద్రతలు దెబ్బతినకుండా చూసేందుకు సెన్సార్ బోర్డుతో పాటు పోలీసుల దృష్టికి ఈ విషయాన్ని తీసుకెళ్తామని తెలిపారు.
